Esabbuli 12 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Esaala y'ohusaba obuhoonyi

¹ Omwaami ewe tuhoonye; olwohuba abaandu batya Nasaae haba sibasisiiriwo; olwohuba abaandu beesikwa bawa hu syaalo.

² Buli muundu abachia sa owaasye; balomaloma neende emyooyo kibiri nibaduula.

³ Leha Omwaami yaakamye ohuduula hwaabwe, enimi chiehuduumbasa muno,

⁴ neende abo ababoola bati, “Huchia ohuyiingira neende enimi cheefwe, huli neende eminwa kilomaloma; wiina mweene onyala ohututuka?”

⁵ “Olwohuba abamanani banyaaswa, banaambula buhoonyi beelira.” Nae Omwaami aboola ati, “Bulaanu njia ohusiingira; njia ohubaberesa obweyikamo bu bekoombaanga.”

⁶ Ebisuubiso by'Omwaami byeesikiha, biri koti efeesa yalabiswa neende omuliro kw'etanuuru, eyalabiswa amahabi kataanu-na-kabiri.

⁷ Nae ewe Omwaami, tuliinde, tukayirire otuwonie olwiibulo luno.

⁸ Ababi batweebodoohaanie haandi buli muundu akinia ebiholwa bibi.