Esabbuli 114 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Olweembo lw'Abaisiraeli nibatula Misiri

¹ Abaisiraeli nibaali nibatula Misiri, abeechuhulu ba Yakobbo nibatula mu syaalo siteende,

² Buyudaaya syeehola obumenyo b'Omwaami bwoolerefu, Yisiraeli syeehola esyaalo syae syeene.

³ Enyaanja Enjahanyu yabona mani niyihamyuuhao; Omwaalo kwa Yorodaani nakwo kwaakama ohuhulukusa.

⁴ Engulu chaduumakala koti emiiku; ebigulu byaduumakala koti amakoondi madoto.

⁵ Byali bitye, ewe Enyaanja, ebyakera wahamyuuhao? Ewe Yorodaani, lwasiina waakama ohuhulukusa?

⁶ Eng'we Engulu, lwasiina mwaduumakala koti emiiku? Eng'we ebigulu, lwasiina mwaduumakala koti amakoondi madoto?

⁷ Teengereha, ewe esyaalo, mu moni w'Omwaami, mu moni wa Nasaae wa Yakobbo,

⁸ okaluuhania enyaanda cheehola amadiba k'amaachi haandi amakina nikeehola esulo ch'amaachi.