Esabbuli 110 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Omwaami neende omutuki yi yadoola

¹ Omwaami yaboolera omwaami waange ati, “Yihala ano hu muhono kwaange muluungi ohwoola lu ndirihola abasuku bao esy'ohugeeng'aho amakulu kao.”

² N'oli mu Siyooni, Omwaami achia ohubaambaliya obunyala bwao, n'aboola ati, “Tuka abasuku bao.”

³ Hu ludaalo lw'olilwaania abasuku bao, abaandu bao bachia ohweyaanayo abeene ohulwaana. Abasaacha bao baraaga baheeche y'oli, hu ngulu njoolerefu, koti olume lw'omumabwiibwi.

⁴ Omwaami haba siyahakaluuhanie esyo si yasuubisa niyeechuba ati, “Oli omulaamisi endaalo choosi ohuloondakana neende ehola ya Melikisedeki.”

⁵ Omwaami ali hu muhono kwao muluungi; niyahanyoolere, yahayiingire abatuki.

⁶ Yahaheengere ebyaalo omusaango, yaheechuse emilaambo mu sipaapi sy'olwaaniramo; yahayiingire abatuki boosi aboohu syaalo huno.

⁷ Omutuki achia ohung'wa amaachi mu haalo hali aambi neende engira, anyoole amaani mani asiingire yeeme tiiri n'ayingiire.