Esabbuli 11 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Obweesikwa mu Omwaami

¹ Omwaami niye obweyikamo bwaange; lwasiina wumboolera oti, “Bburaha koti eyoni ochie weekise mu ngulu;

² olwohuba, bone, abaandu babi bakodiisye obuyiingo, bateere obusaale hu lusya, nibadaha ohulasira mu siirima abaandu baluungifu;

³ nae emisiingi nikisihiriiswe, siina syeene si muundu muluungifu anyala ohuhola”?

⁴ Omwaami ali mu nyuumba yae njoolerefu, esisaala sy'obutuki sy'Omwaami siri Muukulu, Omwaami abona buli muundu, haandi amanyire buli siindu si muundu ohola.

⁵ Omwaami yehaliirisa abaluungifu neende ababi, haandi omwooyo kwae kwasyuula abaandu baheera obwaalaba.

⁶ Omwaami achia ohukwiisa omuliro kw'amaani; omuyaka kumamula nikwo okuchia ohuba omukabo kwaabwe.

⁷ Olwohuba Omwaami muluungifu niye, haandi yaheera ebiindu biluungifu; abaluungifu nibo abachia ohumubona.