Esabbuli 100 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Olweembo lw'ohufumia

¹ Eng'we abaandu bomu syaalo syoosi, mweembere Omwaami neende ohweehoya!

² Muhalaabanire Omwaami neende esangaalo! Mwiiche mu moni wae neende esangaalo!

³ Mumanye muti Omwaami niye Nasaae, niye owatuloonga, haandi huli abaandu bae, amakoondi k'ehoonge yae.

⁴ Mwiingire mu mulyaango ch'Enyuumba yae nimumweebasa, mumweebase haandi mumufumie.

⁵ Olwohuba Omwaami mulai niye; obuheeri bwae sibwaakama daawe, haandi obweesikwa bwae bw'endaalo choosi pe.