Esabbuli 1 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

ESITABO SYAAMBERI (Esabbuli 1-41) Esangaalo lyadyeeri

¹ Ali neende ehabi omuundu otakeenderaanga alala neende abaandu babi, oteemaanga alala neende abahola-mbi, oba oteehalaanga alala neende abaandu baduula.

² Nae osangaaliraanga amalako k'Omwaami, haandi obaasaanga hu malako k'Omwaami esideete neende esiro.

³ Ali koti omusaala ku bataaka aambi neende emyaalo ky'amaachi kahulukusa, okwaamaho ebyaamo mu biha bihoyera, haandi ku masaafu kakwo katoomaanga. Buli siindu sy'ahola syoosi, simuchiira bulai.

⁴ Abahola-mbi haba sibali batyo, bali koti ebikoha bi muyaka kudumuula.

⁵ Sakira abahola-mbi batachia ohweema mu siina sy'emisaango, oba abadoondobanu ohweema alala neende abaluungifu;

⁶ Olwohuba Omwaami amanyire engira y'omuluungifu, nae abadoondobanu bachia ohusihirira.