1 Ebyomubiha 6 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Olwiibulo lw'abalaamisi bahuluundu.

¹ Leefi yali neende abaana basyaani badatu bano: Gerisoni, Kohati, neende Merari.

² Kohati yali neende abaana basyaani bane: Amuraamu, Yisuhaari, Hebburoni, neende Wusieli.

³ Amuraamu yali neende abaana basyaani babiri, Arooni neende Musa, neende omwaana muhaana mulala, olaangwa Miriamu. Arooni yali neende abaana basyaani bane: Nadabbu, Abbihu, Eliasaari, neende Yitamaari.

⁴ Eliasaari yeebula Finehaasi, Fenehaasi niyeebula Abbisua,

⁵ Abbisua niyeebula Bbuuki, Bbuuki niyeebula Wusi,

⁶ Wusi niyeebula Serahia, Serahia niyeebula Merayooti,

⁷ Merayooti niyeebula Amaria, Amaria niyeebula Ahituubbu,

⁸ Ahituubbu niyeebula Sadoki, Sadoki niyeebula Ahimaasi,

⁹ Ahimaasi niyeebula Asaria, Asaria niyeebula Yohanani.

¹⁰ Asaria niye owahalaabaniraanga mu Nyuumba ya Nasaae yi Mutuki Solomooni yoombaha mu Yerusalemu.

¹¹ Asaria niye owebula Amaria, Amaria niyeebula Ahituubbu,

¹² Ahituubbu niyeebula Sadoki, Sadoki niyeebula Saluumu, Saluumu niyeebula Hilikia

¹³ Hilikia niyeebula Asaria, Asaria niyeebula Seraya,

¹⁴ Seraya niyeebula Yehosadaki.

¹⁵ Omutuki Nebukadineesa yayira mu buboye Yehosadaki alala neende abaandu bomu Buyudaaya neende abomu Yerusalemu ba Omwaami yatuma mu buwaambe.

Abeechuhulu ba Leefi baandi

¹⁶ Leefi yali neende abaana basyaani badatu: Gerisoni, Kohati, neende Merari.

¹⁷ Ameeta k'abaana basyaani ba Gerisoni niko kano: Libbini neende Simei.

¹⁸ Abaana basyaani ba Kohati nibo: Amuraamu, Yisihaari, Hebburoni, neende Wusieli;

¹⁹ nae Merari niye laatang'ene Mahili neende Musi.

²⁰ Bano nibo abeechuhulu ba Gerisoni: Gerisoni yeebula Libbini, Libbini niyeebula Yahaati, Yahaati niyeebula Sima,

²¹ Sima niyeebula Yoa, Yoa niyeebula Yido, Yido niyeebula Seera, Seera niyeebula Yeaterai.

²² Bano nibo abeechuhulu ba Kohati: Kohati yeebula Aminadabbu, Aminadabbu niyeebula Koora, Koora niyeebula Asiiri,

²³ Asiiri yeebula Elikana, Elikana niyeebula Ebbiasaafu, Ebbiasaafu niyeebula Asiiri,

²⁴ Asiiri niyeebula Tahaati, Tahaati niyeebula wurieli, Wurieli niyeebula Wusia, Wusia niyeebula Sauli.

²⁵ Elikana yali neende abaana basyaani babiri: Amasai neende Ahimooti.

²⁶ Bano nibo abeechuhulu ba Ahimooti: Elikana yeebula Sofai, Sofai niyeebula Nahati, Nahati niyeebula Eliabbu,

²⁷ Eliabbu niyeebula Yerohaamu, Yerohaamu niyeebula Elikana.

²⁸ Samueli yali neende abaana basyaani babiri: Yoeli, omwaana muhuluundu, neende Abbija, omwaana muyere.

²⁹ Bano nibo abeechuhulu ba Merari: Merari yeebula Mahili, Mahili niyeebula Libbini, Libbini niyeebula Simei, Simei niyeebula Wusa, Wusa niyeebula Simea

³⁰ Simea niyeebula Hagia, Hagia niyeebula Asayia.

Abeembi abomu Nyuumba ya Nasaae.

³¹ Bano nibo abasaacha ba Omutuki Daudi yadoola ohuhulira eby'ohweemba abuundu wohwiinamiramo Nasaae mu Yerusalemu, Esanduuku ly'Endagaano nilimalire ohwiingiswa mu Nyuumba ya Nasaae eyo.

³² Buli muundu yabechaanga neende ebiha by'ohuhalaabaniramo mu Yeema ly'Ohubaao hw'Omwaami, Omutuki Solomooni n'asisiiri ohwoombaha Enyuumba ya Nasaae.

³³ Abaandu abo abadoolwa nibo bano: Ohutula mu nono ya Kohati: Hemani, owali omwiimirisi w'abeembi yali omwaana wa Yoeli. Olwiibulo lw'edaala lyae lwoola hu Yakobbo luti: Hemani omuhuluundu w'abeembi omwaana wa Yoeli, Yoeli mwaana wa Samueli, Samueli mwaana wa

³⁴ Elikana, Elikana mwaana wa Yerohaamu, Yerohaamu omwaana wa Elieli, Elieli mwaana wa Toa, Toa omwaana wa

³⁵ Suufu, Suufu omwaana wa Elikana, Elikana omwaana wa Mahati, Mahati omwaana wa Amasai, Amasai omwaana wa

³⁶ Elikana, Elikana omwaana wa Yoeli, Yoeli omwaana wa Asiria, Asiria omwaana wa Sefania, Sefania omwaana wa

³⁷ Tahati, Tahati omwaana wa Asiri, Asiri omwaana wa Ebbiasaafu, Ebbiasaafu omwaana wa Koora, Koora omwaana wa

³⁸ Yisuhaari, Yisuhaari omwaana wa Kohati, Kohati mwaana wa Leefi, neende Leefi omwaana wa Yakobbo.

³⁹ Asafu niye owali omwiimirisi w'abeembi bohubiri. Olw'olwiibulo lw'edaala lyae lwiiha aasi ohwoola hu Leefi niluloondehana luti: Asafu mwaana wa Bberekia, Bberekia mwaana wa Simea, Simea mwaana wa Mikaeli,

⁴⁰ Mikaeli mwaana wa Bbasea, Bbasea mwaana wa Milikiya, Milikiya mwaana wa Etuni,

⁴¹ Etuni mwaana wa Seera, Seera mwaana wa Adaya, Adaya, mwaana wa Etaani

⁴² Etaani mwaana wa Sima, Sima mwaana wa Simei, Simei mwaana wa

⁴³ Yahaati, Yahaati mwaana wa Gerisoni, Gerisoni mwaana wa Leefi.

⁴⁴ Etaani ow'enono ya Merari niye owali omwiimirisi w'abeembi bohudatu. Olw'olwiibulo lw'edaala lyae lwiiha aasi ohwoola Leefi luti: Etaani mwaana wa Kisi, Kisi mwaana wa Abbudi, Abbudi mwaana wa Maluku, Maluku mwaana wa Hasabbia,

⁴⁵ Hasabbia mwaana wa Amasia, Amasia mwaana wa Hilikia, Hilikia mwaana wa Amusi,

⁴⁶ Amusi mwaana wa Bbani, Bbani mwaana wa Semeri, Semeri mwaana wa Mahili,

⁴⁷ Mahili mwaana wa Musi, Musi mwaana wa Merari, Merari mwaana wa Leefi.

⁴⁸ Abaleefi basyaabwe baandi boosi babereswa emirimo kiindi kyoosi ekyali abuundu yibeenamiraangamo Nasaae.

Abeechuhulu ba Arooni

⁴⁹ Arooni neende abeechuhulu bae nibo abayanaangayo ebiyaanwa by'obubbaani, haandi nibayaanayo ebiyaanwa byasaambirwaanga hu alutaari. Bano nibo abalichiingi neende obunyala hu biindu byoosi biholwa mu hwiinamira Nasaae Abuundu Ahiramo Obwoolerefu neende hulw'ebiyaanwa bi Nasaae aleheramo Abaisiraeli ebyonoono byaabwe. Baholaanga bino byoosi ohweema huhulagira hwa Musa, omuhalaabani wa Nasaae.

⁵⁰ Luno nilwo olw'olwiibulo lw'abeechuhulu ba Arooni: Arooni yeebula Eliasaari, Eliasaari niyeebula Finehaasi, Finehaasi niyeebula Abbisua, Abbisua niyeebula

⁵¹ Bbuuki, Bbuuki niyeebula Wusi, Wusi niyeebula Serahia, Serahia niyeebula

⁵² Merayooti, Merayooti niyeebula Amaria, Amaria niyeebula Ahituubbu, Ahituubbu niyeebula

⁵³ Sadoki, Sadoki niyeebula Ahimaasi.

Abuundu yi Baleefi bamenyaanga

⁵⁴ Sino nisyo esituundu syabereswa abeechuhulu ba Arooni ow'enono ya Kohati. Babukula omukabo kwaabwe kuchaaka okw'eloba lyali lyabereswa Abaleefi.

⁵⁵ Lino liyirirwamo Hebburoni mu situundu syomu Buyudaaya, neende eloba ly'olwaayiro elyasyebodoohania.

⁵⁶ Kata katyo, emikuunda kyaalyo neende engoongo chaalyo, kata katyo, ebyali nibiri eby'esiko, byaleherwa Kalebbu omwaana wa Yefune.

⁵⁷ Ebiko bino byabereswa abeechuhulu ba Arooni: Hebburoni, esiko syohwiiruhiramo, neende Yatiru, neende ebiko bya Libbina, Esitemoa,

⁵⁸ Hileeni, Debbiri,

⁵⁹ Asaani, haandi neende Bbeeti Semeesi alala neende enjairo chabyo.

⁶⁰ Mu situundu syakabirwa enono ya Bbenjamini, Abaleefi babereswa ebiko bino: Gebba, Alemeeti, neende Anatooti alala neende enjairo chabyo. Ebiko byaabwe mu madaala kaabwe koosi, kali ehumi neende kadatu alala.

⁶¹ Ebiko ehumi ebiri mu Manaase esy'Emuumbo byali nibyakabwa nibehoonyera ohuubba eha, enono chidoongereyo choosi echia Kohati, buli daala nilinyoolaho omukabo.

⁶² Eyiri enono ya Gerisoni, ohweema hu buli daala, babereswa ebiko ehumi neende bidatu ebyohumenyaangamo, ebyatuswa mu bituundu bya Yisakari, Aseri, Nafutaali, neende Manaase esy'Ebukwe mu Bbasaani.

⁶³ Mu ngeri nasilala eyo, ab'enono ya Merari, ohweema hu buli daala, babereswa ebiko ehumi neende bibiri ebyatuswa mu bituundu ya Rubbeeni, Gaadi, neende Sebbuluuni.

⁶⁴ Mu ngeri yino, niyo yi Abaisiraeli babereseramo Abaleefi ebiko by'ohumenyamo, alala neende enjairo chalichiingi nichibyebodoohaanie.

⁶⁵ (Ebiko byali mu bituundu bya Yuda, Simeoni, neende Bbenjamini, ebitumbuulwe aakulu ebyo, byosi byabereswaanga Abaleefi nibehoonyera ohuhubba eha.)

⁶⁶ Amadaala kaandi ak'enono ya Kohati kali nikabereswa ebiko byaabwe neende ebyairo byali mu situundu sya Efuraimu.

⁶⁷ Kabereswa ebiko bino: Sekemu, esiko sy'obwiiruhiro esiri mu bigulu bya Efuraimu neende enjairo chaasyo, Geseri neende enjairo chaasyo,

⁶⁸ Jokimeamu neende enjairo chaasyo, Bbeeti Horooni neende enjairo chaasyo,

⁶⁹ Ayiyalooni neende enjairo chaasyo, neende Gatirimoni neende enjairo chaasyo.

⁷⁰ Ebiko byatuswa hu situundu sya Manaase esy'Emuumbo nibyo: Aneri neende enjairo chaasyo, neende Bbileyaamu alala neende enjairo chaasyo.

⁷¹ Amadaala k'enono ya Gerisoni kali nikabereswa ebiko biloondaho bino, alala neende ebyairo byali nibibyebodoohaanie: Mu situundu sya Manaase esy'Ebukwe byali bino: Golani esiri mu Bbasani, neende Asitarooti.

⁷² Mu situundu sya Yisakari byali bino: Kedesi, Dabberaati,

⁷³ Ramoti, neende Anemu.

⁷⁴ Mu situundu sya Aseri byali bino: Masaali, Abbudoni,

⁷⁵ Hukooki, neende Rehobbu.

⁷⁶ Mu situundu sya Nafutaali byali bino: Kedesi mu Galilaaya, Hamooni, neende Kiriataimu.

⁷⁷ Amadaala kadoong'ereo, ak'enono ya Merari, kali nikabereswa ebiko bidoong'ereo bino, alala neende ebyairo byali nibibyebodoohaanie bino: Mu situundu sya Sebbuluuni byali bino: Rimoni neende Tabbori.

⁷⁸ Mu situundu sya Rubbeeni, ebukwe w'Omwaalo kwa Yorodaani, aambi neende Yeriko byali bino: Bbeseeri esiri mu siparara, Yahusa,

⁷⁹ Kedemooti, neende Mefaati.

⁸⁰ Mu situundu sya Gaadi byali bino: Ramoti mu Gileadi, Mahanaimu,

⁸¹ Hesibboni, neende Yaseeri.