1 Ebyomubiha 2 - EBBAIBBO EMBOOSI YA NASAAE EYIRIMO EBITABO BILAANGWA DEUTEROKANONIKO

Abeechuhulu ba Yuda

¹ Yakobbo yali neende abaana basyaani ehumi-na-babiri: Rubbeeni, Simeoni, Leefi, Yuda, Yisakari, Sebbuluuni,

² Daani, Yosefu, Bbenjamini, Nafutaali, Gaadi, neende Aseri.

³ Yuda yali neende abaana basyaani bataanu boong'ene mu huyirira alala. Ohutula mu Bbatisua, omuhasi wae Omukanani, yanyoola abaana badatu bano: Eri, Onani, neende Sela. Omwaana wae muhuluundu Eri yali omubi muno ohwoola lu Omwaami mweene yamwiita.

⁴ Abaana basyaani ba Yuda baandi nibo bano: Peresi neende Seera. Bano yabeebula mu Tamari, muhoomwaana wae.

⁵ Peresi yali neende abaana babiri, Hesirooni neende Hamuli.

⁶ Mwanaang'ina olaangwa Seera yali neende abaana bataanu: Simuri, Etaani, Hemani, Kalikoli, neende Darida.

⁷ (Ebyandiiko byomu Luibburania abweene ano bi mulaanga biti “Achaari,” amahuluundu mbwe “amasira.”) Omwaana wa Karimi, yali mulala hu beechuhulu ba Seera, yaleeta amasira hu Abaisiraeli niyabiiha ebiindu byayaaywa ebyali nibyayaanirwa Nasaae.

⁸ Etaani yali neende omwaana mulala, Asaria.

Olwiibulo lu Daudi atulamo

⁹ Hesirooni yali neende abaana badatu: Yerameeli, Raamu, neende Kelubbai.

¹⁰ Olukalala lw'olwiibulo ohutula hu Raamu ohwoola hu Yese lwali luti: Raamu yeebula Aminadabbu, Aminadabbu yeebula Nahasoni, (omusaacha wali niyamanyihana muno mu nono ya Yuda)

¹¹ Nahasoni yeebula Salimoni, Salimoni nae yeebula Bboasi,

¹² Bboasi yeebula Obbedi, Obbedi nae yeebula Yese.

¹³ Yese yali neende abaana bataanu-na-babiri. Mu huloondehana ohweema hu hwiibulwa hwaabwe bali bati: Eliabbu niye omwaana wae waamberi, Abbinadabbu niye owohubiri, Saama niye owohudatu,

¹⁴ Netaneeli niye owohune, Radai niye owohutaanu,

¹⁵ Osemu niye owohusaasaba, Daudi niye owali walaka wae.

¹⁶ Abburahamu yali neende abaana bahaana babiri, Seruya neende Abbigaili. Seruya, omuhaana wa Yese yali neende abaana badatu: Abbisai, Yoabbu, neende Asaheeli.

¹⁷ Omuhaana wae wuundi wula Abbigaili yadeehera Yeteeri, omwiichuhulu wa Yisimaeli, mani nibeebula omwaana musyaani olaangwa, Amaasa.

Abeechuhulu ba Hesirooni

¹⁸ Kalebbu, omwaana wa Hesirooni yadeehya Asubba mani nibeebula omwaana muhaana olaangwa Yeriooti. Yeriooti yeebula abaana badatu: Yeseeri, Sobbabbu, neende Aridooni.

¹⁹ Asubba niyafwa, Kalebbu yadeehya Efuraati, mani nibeebula omwaana musyaani owalaangwa mbwe Huuri.

²⁰ Omwaana wa Huuri yali Wuri, Wuri yeebula Bbesaleeli.

²¹ Hesirooni niyoosa emyaaka amahumi kasaasaba eky'obuhuluundu, yadeehya omuhaana wa Makiri, owali mboochoong'ene Gileadi. Beebula omwaana olaangwa Segubbu,

²² mani Segubbu yeebula Yairi. Yairi yatuka ebiko amahumi kabiri neende bidatu ebyali mu Gileadi.

²³ Nae obwaami bwa Gesuri neende Aramu mani nibuyiingira ebiko amahumi kasaasaba, omwo nimwo omuli engoongo chia Yairi neende Kenati, neende ebiko byali aambi nacho. Abaandu boosi abali nibamenyamo bali abeechuhulu ba Makiri, laatang'ene Gileadi.

²⁴ Hesirooni n'amalire ohufwa, omwaana wae Kalebbu yadeehya Efuraati, omuhasi mufwiirwe wa laatang'ene. Beebula omwaana musyaani n'alaangwa Asuuri, owachaakisa esiko sya Tekoa.

Abeechuhulu ba Yerahameeli

²⁵ Yerahameeli, omwaana waamberi wa Hesirooni, yali neende abaana bataanu: Raami, omwaana waamberi, Bbuna, Oreeni, Osemu, neende Ahija.

²⁶ Yerahameeli yali neende omuhasi wuundi, olaangwa mbwe Ataara; wuno niye ng'ina yali mbwe Onaamu.

²⁷ Raami yali neende abaana badatu: Maasi, Jamini, neende Ekeri.

²⁸ Onaamu yali neende abaana babiri: Samai neende Yada. Abaana basyaani ba Samai nibo: Nadabbu neende Abbisuuri.

²⁹ Eliita ly'omuhasi wa Abbisuuri lyali Abbihaili, mani n'amwiibulira Ahibbaani neende Molidi.

³⁰ Nadabbu mwanaang'ina Abbisuuri yali neende abaana babiri, Seleedi neende Apaimu, nae Seleedi yafwa n'atebulaho omwaana musyaani.

³¹ Apaimu yeebula Yisi, Yisi yeebula Sesani, Sesaani nae niyeebula Ahilai.

³² Yada, mwanaang'ina Samai, yali neende abaana babiri, Yeteeri neende Yonatani, nae Yeteeri yafwa n'atebulaho omwaana musyaani.

³³ Yonatani yali neende abaana babiri, Peleti neende Saasa. Bano boosi bali abeechuhulu ba Yerahimeeli.

³⁴ Sesani haba siyeebulaho omwaana musyaani daawe, yali neende abaana bahaana boong'ene. Nae yali neende omuhalaabani mumisiri olaangwa mbwe Yariha,

³⁵ oyo niye yi yaberesa mulala hu bahaana bae amudeehye. Beebula omwaana musyaani olaangwa mbwe Atai.

³⁶ Olukalala lw'olwiibulo ohutula hu Atai ohwoola hu Elisama lwali luti: Atai yeebula Natani, Natani yeebula Sabbadi, Sabbadi yeebula Efulaali

³⁷ Efulaali yeebula Obbedi, Obbedi yeebula Yehu,

³⁸ Yehu yeebula Asaria, Asaria yeebula Helesi,

³⁹ Helesi yeebula Eleasa, Eleasa yeebula Sisimai,

⁴⁰ Sisimai yeebula Saluumu, Saluumu yeebula Yekamia,

⁴¹ Yekamia nae yeebula Elisama.

Abeechuhulu ba Kalebbu baandi

⁴² Omwaana muhuluundu wa Kalebbu, mwanaang'ina Yerahimeeli yali Meesa. Meesa niye laatang'ene Siifu. Siifu niye laatang'ene Maresa, Maresa niye laatang'ene Hebburoni.

⁴³ Hebburoni yali neende abaana bane: Koora, Tapua, Rekemu, neende Seema.

⁴⁴ Seema niye laatang'ene Rahamu haandi kukaang'ene Yorukeamu. Rekemu yali mwanaang'ina haandi Seema niye laatang'ene Samai.

⁴⁵ Samai niye laatang'ene Maoni. Maoni wuno niye owali laatang'ene Bbetisuuri.

⁴⁶ Kalebbu yali neende omuhasi w'erwaanyi olaangwa Efa, mani naamwiibulamo abaana basyaani baandi badatu: Harani, Mosa, neende Gaseesi. Harani yesi yeebula omwaana musyaani olaangwa Gaseesi.

⁴⁷ (Omusaacha olaangwa Yahudai yali neende abaana basyaani basaasaba: Regemu, Yotaamu, Gesani, Peleeti, Efa, neende Safi).

⁴⁸ Kalebbu haandi yali neende omuhasi w'erwaanyi olaangwa mbwe Maaka, owamwiibulira abaana basyaani babiri: Sebberi neende Tiruhana.

⁴⁹ Haandi luunyuma niyeebula abaana basyaani baandi babiri: Safi, owachaakisa esiko sya Madimaana; neende Sefa, owachaakisa ebiko bya Makibbena neende Gibbeya. Haandi ohumeeda hu bweene huno; Kalebbu yali neende omwaana muhaana mulala olaangwa mbwe Akisa.

⁵⁰ Bano bosi haandi nibo abeechuhulu ba Kalebbu. Huuri niye omwaana waamberi wa Kalebbu mu muhasi wae Efuraati. Sobbali omwaana wa Huuri niye owachaakisa esiko silaangwa mbwe Kiriati Yearimu,

⁵¹ omwaana wae oloondaho olaangwa mbwe Salima niye owachaakisa esiko silaangwa mbwe Bbetilehemu, neende Harefu, omwaana wae wohudatu, niye owachaakisa esiko silaangwa mbwe Bbetigadeeri.

⁵² Sobbali, omuchaakisi wa Kiriati Yearimu niye kukaang'ene abaandu ba Haroye, abali bayera esituundu sy'abaandu bali mu Menuhooti.

⁵³ Enono ch'abaandu bomu Kiriati Yearimi nicho chino: Abaitiiri, Abapuuti, Abasumaati, neende Abamisirai. (Abaandu bomu biko bya Soora neende Esutaoli nibo abali abaandu bomu nono chino choosi.)

⁵⁴ Salima, omuchaakisi wa Bbetilehemu, niye kukaang'ene baandu ba Netofaati, Atirooti Bbeeti Yoabbu, neende ow'Abasoori, balala hu baandu b'enono chibiri echali mu Manahati.

⁵⁵ (Enono ch'abandiiki bamanyihana neende abaanula ebyandiiko bali nibamenya mu siko sya Yabbeesi nicho: Abatiraati, Abasimeati, haandi neende Abasukaati. Bano bali Abakeeni abali nibadeehisania neende ab'enyuumba ya Rekabbu.)