Thusimtu 7 - Zanniat Bible

Fimhnak Ai Thupuihnak

¹ Hmingphahnak tu yihmui pha ber tahin pha sawn i. Thi nia tu te nia tahin pha sawn i.

² Puai bawn hmunah feh tahin mithi inn feh pha sawn i. Zaimantifangin minung tu kin veksen in thihhnak in kin iang i ti khiah hih pha ngio i.

³ Hni tahin lungsia pha sawn i. Mithmai ah anghnak um thil lo napui thinlung pharuai i.

⁴ Mifimte ai thinlung tu mithi inn ah um i; ikhalselai mivoite ai thinlung tu nuamhnak hmunah um i.

⁵ Mivoi ai na thangphathnak la sa ngai tahin mifim ai hauhnak ngai pha sawn i.

⁶ Mivoi hnihnak tu mai songah hling lon ai a puakhnak thawm bang i. Sullam zaikhai nai lo i.

⁷ Mifim in midang a zawl fangin mivoi ah cang i. Nawhthuh lang lesikhaw na ziaza siatsuah isi.

⁸ Thil pansawng tahin a tawp lam pha sawn i. Hngal ngai in um tahin thinsau pha sawn i.

⁹ Baiziap in na thinraw mah; baiziap ai thinraw heh mivoite umdan i.

¹⁰ “Zaimanin tun san tahin hlan san pha sawn i?” tiin zawt mah. Ciami tu mifimte thuzawtdan ilo i.

¹¹ Thil nai tahin fimhnak nai pha sawn i. Ni a hmutu hmuahhmuah caah rothil pha bik i.

¹² Fimhnak tu sumsaw bangin humhimhnak i; fimhnak in fimhnak naitu hnenah nunhnak pe i.

¹³ Pathian thil bawnhnak khiah ngaisung tucuk ih: a kawnruaihnak heh aisu in cangruai thil tuh i?

¹⁴ Phat nia ah ang tu; siat nia ah khuaruat tu. Pathian in anghnak umruai ai harhnak khai umruai i. Ciamanin hmai lamah ziang cang tuh i, ti aisu inkhai ling lo i.

¹⁵ I nunhnak santlai lo songah cen thil phunkhim hmu ai mawh nai lotu heh mawh nai khal hlah selai thi vut ai mipha loin a phatlohnak thawn kum raipui a nung heh hmu ing.

¹⁶ Mipha ze khai i mah; mifim ze khai i mah, zaimanin nangmah le nangmah siatsuah dun tuh isi?

¹⁷ Mihrokhrawl ze khai i mah; mivoi ze khai i mah. Na can a khim hlanah zaimanin na thi tuh i?

¹⁸ Thil pakhat kho ngai in awh meng ai a dang thil khai hlat cuang lo pha i. Pathian a kihzahtu in a pahnih in hlawhtling tuh i.

¹⁹ Khua upa sawmkhat in khua hnenah hathnak a pehnak tahin fimhnak in mifim pa hnenah hathnak tam sawn pe i.

²⁰ Laivum ah phathnak lek bawn ai hnophnak a bawn awng lomi aisu khai um lo i.

²¹ Ciahlaiah mi ponghnak hmuahhmuah heh poi ti ze mah; ciahlah lekhaw na hnenumte inkhai na relsiahnak za pang tuh isi.

²² Nangmah inkhai midang vel tampui relsia ing ti ling dun hlen isi.

²³ Hemi hmuahhmuah fimhnak in cu dekdo ing. I fim vuah bang tiin ruat dun ing, ikhalselai i fim lo i.

²⁴ Nunhnak tihnak tu aisu in ling thil tuh i? A hla ze le a thuk ze, a thuk ngaingai i ai aisu inkhai si ben thil tuhhnak ilo i.

²⁵ Ciamanin i thinlung tu fimhnak si tuhin le zir tuh le hmu ben tuhin ruat dekdo ai i tawkhnak ngaingai tu phatlohnak le fim lohnak le voihnak le hnaihnokhnak lek i.

²⁶ Nupang i tawkhnak tu kaimah caah thihhnak tahin kha sawn i, a thinlung tu thang bang i ai a kutte tu thir cikcin i; Pathian ai ninghiohnak tu ciami nu hnenin luat tuh i, ikhalselai misual tu ciami nu in pom tuh i.

²⁷ Thureltu in, “I hmuhnak tu hemite i: thil pakhat hnua pakhat i thinlung in ngaisung betbo ing; a thusawnhnak si betbo ing;

²⁸ a raipui si napui hlawh i tling lo i. Cen minung thawng khat songah upat tlak pasal pakhat hmu ing; ikhalselai nupang tu pakhat tal bangkhai hmu lo ing.

²⁹ Ngai tucuk, i hmuhnak tu hemite i: Pathian in minung heh midikcang in bawn napui amahte daihhnak le tumtekhnak ah pial sio i,” ti i.