Thupphuan 5 - Zanniat Bible

Laihnahzual Le Tuufa

¹ Bawi tohkham vumai a totu in laihnahzual pakhat a kiahhan lam kut in awh khiah hmu ing. Ciami laihnahzual tu a songlam le a pualam in nganhnak i ai tacik pasarih in khenhnak i.

² Cen a hat ngai vancungmi pakhat hmu ai aw cawm ngai in, “Hemi tacik khenhnak bal in laihnahzual hong tuhin a tlaktu aisu um i?” tiin au i.

³ Ikhalselai ciami laihnahzual hong in a song a sikthaitu vancung ah ituseh. laivum ah ituseh, lai hniaah ituseh, aisu khai um lo i.

⁴ Ciatihin laihnahzual a hongtlaktu tuh le a song a siktlaktu tuh aisu khai hmu lo fangin roh ngai in kap ing.

⁵ Ciafangin upa pakhat in, “Kap mah. Siktu! Judah phun songin a kawitu Chintit tiin kohnak, David ai tefa misonglawi tiin kohnak tu neh zomi i ai tacik pasarih tu hnawmruai tuhai laihnahzual heh hong tuh i,” tiin ti i.

⁶ Cen tuufa pakhat, bawi tohkham laiteng ah ding ai nunghingte pali le upate in kulh tlang khiah hmu ing. Ciami tuufa tu rociahnak bang i. Ki pasarih le mit pasarih nai ai ciami mit pasarih tu laivum khuahacang ah a hlathnak Pathian ai rauhlate pasarih i.

⁷ Tuufa tu feh ai bawi tohkham vumai a totu ai kiahhan lam kut in laihnahzual lang i.

⁸ Ciatihin a lang ben sawng fangin Tuufa hmaiah nunghingte pali le upate kulhluan li tu bok tlang i. Congcing pakhat ṭen le rimhmui in a dimmi sui hleng pakhat ṭen awh ai ciami rimhmui tu Pathian minungte ai sawngenhnak i.

⁹ La thar sa tlang ai: “Nang tu laihnahzual langtu tuhin le tacik hawktu tuhin na tlak i. Zaimantifangin rekhnak tuar zo ai, na thihhnak thawmin miphun le pon le hin cangcang in Mi tampui Pathian caah lai zo isi.

¹⁰ Kin Pathian ruaihtu tuhin suangbawi phun le kumpibawi ukhnak ah anite tu bawn zo ai anite in Laivum uk tlang tuh i,” tiin ti tlang i.

¹¹ I sik lehsal fangin a thawng sawm a thawng za, a siar ai siar cawk lo vancungmite ai aw thawm za ing. Bawi tohkham le nunghingte pali le upate ai cingkim ah ding tlang ai,

¹² cawm roh in la sa tlang ai: “Rek a tuartu Tuufa tu huham le lianhnak, fimhnak le hathnak, hmingthanghnak le songlawihnak le thangphathnak co tlak i,” tiin ti tlang i.

¹³ Cen vancung ah ituseh, laivum le lai hnia ahkhai ituseh, ti songai a ummi inkhai ituseh, lai le van ai nunhnak haihawh naimi hmuahhmuah in: “Bawi tohkham ai totu le Tuufa hnenah thangphathnak le upathnak, songlawihnak le hathnak tu kumzangza in um tuseh,” tiin la sa tlang i.

¹⁴ Cen nunghingte pali in, “Amen,” ti tlang fangin upate in bok ai bia tlang i.