Thupphuan 3 - Zanniat Bible

Sardis Pawlpui Hnenai Thucahhnak

¹ “Sardis pawlpui hnenah hetihin ngan tu: “Pathian ai rauhlate pasarih le arsite pasarih a naitu ai thucahhnak tu hetihin i. Na naperhnak ling ing: a nungmi pawlpui tiin na hmingthang ze napui na thi i.

² Ciamanin khangphawk tulai na nai laihnak heh a thi ngah hlanah thazang a thar in lang leh tu. Zaimantifangin na naperciahnak heh Pathian hmaiah a semkhim lai lo i tiin hmu ing.

³ Ciamanin amahte zirhhnak le na lingciahnakte khiah hai mah; a hlun tum tulai na sualhnak in let tu. Khangphawk hlahle sikhaw ruko bangin na hnenah kawi tuhai i hleng can rin ling tuh lo isi.

⁴ Ikhalselai Sardis khua ai a ummi lakah mi tlawmniu in ning hnikpon ciangfai ngai in dah tlang i si. Pon ngo sil in kaimah thawn feh tlang tuh ising, zaimantifangin ciatihin feh tlak i si.

⁵ Nehtute tu ciatih bangin pon ngo sil tlang tuhai nunhnak laibu songin amahte hming phiat tuh lo ing. I Pa le a vancungmite hmaiah ‘Kaimah ai i,’ tiin langpang in rel tuh ing.

⁶ “Zahnak bil nai le i sikhaw Rauhla in pawlpui hnenai a relhnak heh ngai tu ih,” tiin ti i.

Philadelphia Pawlpui Hnenah Thucahhnak

⁷ “Philadelphia pawlpui ai vancungmi hnenah hetihin ngan tu: “A thianghlimmi le a dikmi ai thucahhnak tu hetihin i. Ani tu David tawh naitu i ai dawngkham a honghnak tu aisu inkhai kalh thil tuh lo i; cen a kalhhnak khiah aisu inkhai hong thil tuh lo i.

⁸ Na naperhnak ling ing; na thazang tlawm i tikhai ling ing. Ikhalselai i thuzirhhnak hlun ai i hmaiah rinsantlak in um isi. Na hmaiah dawngkham kaimah in hong ai aisu inkhai kalh thil tuh lo i.

⁹ Ngai tu ih! Judah mi i ing, ti tlang napui i ngaingai lomi thudonrel pawl, Satan minungte tu na hnenah kawiruai tuhai na hmaiah ut tlang tuh i. Kaimah in na it heh anite veksen in ling tuh i.

¹⁰ I thupehnak bangin thinsau in harsahnak na tuar ben manin laivum mi zongzong cu tuhin a hleng tuh harsahnak songin na hup tuh ing.

¹¹ Kawi rang tuh ing. Nehtu na imanin na ngah tuhhnak lehsawng heh aisu inkhai na sut thil tuh loin na naiciahnak heh phatak niu in kilkhawl tu.

¹² Nehtu heh i Pathian ai biakinn songai khuam ah bawn tuhai ciami biakinn tu zam tuh nawn lo i. I Pathian ai hming heh a vumah ngan tuh ing; Jerusalem khuathar, i Pathian ai khuapui hming khai a vumah ngan tuh ing. Ciami khuapui tu vancung in i Pathian hnenin a tolh tuhhnak i. Cen i hming thar khai a vumah ngan tuh ing.

¹³ “Zahnak bil nai le i sikhaw Rauhla in pawlpui hnenai a relhnak heh ngai tu ih,” tiin ti i.

Laodisia Pawlpui Hnenai Thucahhnak

¹⁴ “Laodisia pawlpui ai vancungmi hnenah hetihin ngan tu: A hming ah Amen, rinsantlak le thulingtu i ai Pathian ai samhnak hmuahhmuah ai hampanhnak a imi ai thucahhnak tu hetihin i.

¹⁵ Na naperhnak ling ing. A dap khai na dap lo i, a sa khai na sa fawn lo i, ti ling ing. Dap lesi dap tu lawlaw, sa lesi sa tu lawlaw, ti i daih i.

¹⁶ A dap le dap lo, a sa le sa hlong lo, a lum fangfang na imanin i ka songin na thuih tuh ing.

¹⁷ Nangmah in, “Milian ing ai mi nainung ing; zaikhai hlawhsamhnak nai lo ing,’ ti dun isi. Ikhalselai miharsa le ninghiokul na i zia ling dun lo isi. Fa na rah i, kawngkolh in um ai mit na caw i.

¹⁸ Thu na rel i hiamhnak tu, sui ngaingai i hnenin lai tulai ciatihin na lian tuh i. Na thuam dun tuhhnak ah hnikpon ngo lai tulai, zakthikul kawngkolh ai na umhnak heh hup tu. Na mit caah mit ur lawm si khai lai tulai ciatihin khua hmu tuh isi.

¹⁹ I ithnakte tu hau ai cawh de ing. Ciamanin zuam ṭenṭo in um tulai na sualhnak sir tu.

²⁰ Ngai tu! dawngkham hiangah ding ai ceuh ing. Aisu khai i aw za ai dawngkham i hontu heh a inn ah lut tuhai a hnenah rong ai tuh ing; cen ani khai kaimah thawn rong ai tuh ve i.

²¹ Kai tu nehtu ing ai tunah i Pa ai bawi tohkham vumah i Pa hiangah i to bangin nehtute khiah i bawi tohkham vumah i hiangah tothilhnak thupe tuh ing.

²² “Zahnak bil nai le i sikhaw Rauhla ai pawlpui hnenah a relhnak heh ngai tu ih,” tiin ti i.