Suahhlannak 17 - Zanniat Bible

Lungpui In Ti Suak I

¹ Israel mite miburpui tu Sin tihnak nelrawn ramkhing in suak tlang ai Bawipa ai thupeciahnak bangin hmunkhat in hmunkhat ah riahbuk zar tlang zianzo i. Vaikhat tu Rephidim ah zancam tlang ai ciata ah amahte ca ti ding tuh um lo i.

² Moses thawn hau tlang ai Israel mite in, “Ti ding tuh kin pe tu,” ti tlang i. Ciafangin Moses, “Zaimanin i tawng i si? Zaimanin Bawipa khiah cu i si,” tiin ti i.

³ Ikhalselai mi senpui tu tihal roh hang manin Moses vumah phuncam tlang thotho i. “Zaimanin Egypt ram an kin suakpui i si? Kin sumhnamte le kin fate thawn tihal in thi tusek seh ti na daih man im?” tiin ti tlang i.

⁴ Cen Moses tu Bawipa hnenah a roh ngai in sawngen ai, “Hemite heh akontih in ti tuh ing? Kaimah sawn lungto in i sep tum ihang,” tiin ti i.

⁵ Ciafangin Bawipa in Moses hnenah, “Israel mite konghoitu lakin a hrekkhat koih tulai, mi senpui hmaiah feh cia tu ih. Nile runpui ti na vithnak awng faikiang awh tulai feh tu.

⁶ Sinai Mual ai lungpui vumah na hmaiah ding tuh cia ing. Lungpui khiah vit tulai, mi senpui ca din tuh ti suak tuh i,” tiin ti i. Bawipa ai ruaihnak bangin Moses in Israel mite konghoitute hmaiah bawn i.

⁷ Cia hmun heh, “Massah,” le “Meribah,” tiin ko i; zaimantifangin Israel mite hau tlang ai Bawipa heh cu kongin, Bawipa kinmah hnenah um maw, um lo ini?” tiin tihnak hmun i.

Amalech mite Thawn Tawng I

⁸ Israel mite tu Rephidim ah Amalech mite in tawng i.

⁹ Ciafangin Moses in Joshua hnenah, “Kinmah lakin mi hrekkhat ril tulai, Amalech mite tawng tuhin thangha ah feh tu ih. Kai tu mual vumah ding tuhai Pathian ai i pehnak faikiang heh khai tuh ing,” tiin ti i.

¹⁰ Moses ai ruaihnak bangin Joshua in bawn ai Amalech mite tawng tuhin feh i; cen Moses, Aaron le Hur tu mual vumah kai tlang i.

¹¹ Moses in a ban a pharh song hmuahhmuah Israel mite in ral neh betbo i; ikhalselai a ban a hma cang fangin Amalech mite in neh de i.

¹² Cen Moses tu a cawl ze i; a ban tha zong manin Aaron le Hur in lungto lang kawm ai a hniaah phah sah i, ciami vumah Moses heh to ai anite pahnih in a ban ziatvai awh kawm ai do sah i. Zan lam nitla tianin do sah kawm ngio i.

¹³ Ciafangin Amalech mite heh Joshua in neh sio i.

¹⁴ Cen Bawipa in Moses hnenah, “Hihhlenhnak tuh hang ralnehhnak thu heh laibu songah ngan tu; cen Joshua khai rel tu. Cen Amalech mite tu pairal thai sek tuhin bawn tuh ing,” tiin ti i.

¹⁵ Ciata ah Moses in puleng tiang ai, “Bawipa tu i thantar i,” tiin a hming bawn i.

¹⁶ “Cen Moses in Bawipa thantar khaisang tu ih. Zaimantifangin Bawipa in Amalech mite heh sankhat hnua sankhat tawng tuh de i,” tiin ti i.