Matthai 7 - Zanniat Bible

Mi Thukhan Mat

¹ Pathian in na vumah thu na khan tuh loin mi thukhan ve mah.

² Mite thu na khan bangin Pathian in na khan tuh ve ai mi vumai na hmanghnak tehfung in Pathian in na teh tuh ve i.

³ Na mit songai thingtum rin poiruai lo ai na unau mit songai mitdok cikniu khiah zaimanin poiruai isi?

⁴ Na mit songah thingtum um cing in akontih in na unau khiah ‘Na mitdok na khai sah ngang,’ tiin ti thil i si?

⁵ Mi phalaktla pa! Na mit songai thingtum suah hmasa tulai ciatihin na unau mit songai mitdok heh fiang ngai in hmu thil tuhai khai sah thil tuh i si.

⁶ “Thil thianghlim thil khiah uico pe mah ih, her in nangmah lehlam ciardiak in na ngeu tuh i. Ning keplung mankhung pawl heh vok hmaiah hlak mah ih; a ke in fon tuh zel menma i.

Ngen, Si, Ceuh

⁷ Ngen tu ih, ngah tuh i si; si tu ih, tawk tuh i si; ceuh tu ih, ning caah dawngkham ning hon tuh i.

⁸ Zaimantifangin a ngentu hmuahhmuah in ngah tuh i, a situ hmuahhmuah in tawk tuhai a ceuhtu hmuahhmuah caah dawngkham hon tuh i.

⁹ Ning fate in sang ning ngen selai, pate in lungto pe tuh i sim?

¹⁰ Nga ning ngen selai rul pe tuh i sim?

¹¹ Mipha lo roh inapui i si ai ning fate caah thil pha pe thiam ning imanin vancung ai umtu ning Pa in a ngentu hnenah akontih in thil pha pe loin um tuh i.

¹² “Mi in kin vumah bawn selai ti ning daih bangin midang vumah bawn tu ve ih. Hemi heh Moses dan le prophette thuzirhhnak ai a rel nuamhnak taktak i.

Kotka Fip

¹³ Kotka fip songah feh tu ih, Zaimantifangin hell fehhnak kotka tu kaupui ai a lampui khai a bai niu i; ciamanin a hluntu khai tam ngai i.

¹⁴ Ikhalselai nunhnak songah luthnak kotka tu a fip niu i ai a fehhnak lampui khai a har ngai i; ciamanin a hleng bentu mi a tlawmniu ian i.

Thingkung Le A Thai

¹⁵ “Prophet bawnkhelte khiah ralring tu ih; amahte pualam tu tuu bangin ning lakah laileng i; ikhalselai a songlam tu mehleng puar bang i.

¹⁶ Zaibang minung i ti heh amahte bawnhnak in ling thil tuh i si. Hlingkung in cabit thai awng lo i; thohmui kung inkhai thaihmin thai awng kel lo i.

¹⁷ Thingkung pha in thai pha thai ai thingkung pha loin thai hnawm thai i.

¹⁸ A nuncak thingkung in thai hnawm thai thil ve lo ai thingkung pha loin thai pha thai thil ve lo i.

¹⁹ Cen thai pha a thai lomi thingkung tu vawng ai mai songah lon de i.

²⁰ Ciatih bangin prophet bawnkhelte tu amahte bawnhnak in ling thiam tlang tuh i si.

Ning Ling Awng Lo Ing

²¹ “Bawipa, Bawipa,’ tiin i kotu hmuahhmuah in vancung ukhnak hleng tuh sio lo i; vancung ai a ummi i Pa ai daihhnak a bawntute ian hleng tuh i.

²² Thukhanhnak nia a hleng fangin mi tampui in, Bawipa, Bawipa, na hming in thu rel ing, na hming in khuasia tampui hnawt ai ngaihsunurkul tampui bawn ing,’ tiin i hnenah ti tlang tuh i.

²³ Ikhalselai kai in, ‘Ning ling awng lo ing! I hnenin tlan tu ih, ning hrokhrawl mite!’ tiin ti tuh ing.

Inn Satute Pahnih

²⁴ “Ciamanin he i ponkam heh za ai a hluntu heh lungpui vumai inn satu mifim pa bang i.

²⁵ Ruah tuk ngai in si i, ti lian ai khuahu in nuai dekdo khalselai lungpui vumai inn sahnak a imanin in sawn lo i.

²⁶ “Ikhalselai he i ponghnak za napui a hlun lotu heh runsiat vumai inn satu mivoi bang i.

²⁷ Ruah tuk ngai in si i, ti lian ai khuahu in a nuai fangin sawn i; tlu ai bal sek i,” tiin ti i.

Jesuh Thunaihnak

²⁸ Jesuh in he thu hmuahhmuah a rel ben fangin mizapui in a thuzirhhnak khiah aican tlang ngai i.

²⁹ Ani incen Danthiam mite bang ilo in thunai ngai in thu zirh i.