Matthai 28 - Zanniat Bible

Jesuh Tholehhnak

¹ Sabbath nia liam ai a thangha zing hmaniu ah Mary Magdalene le a dang Mary, hlan ril tuhin feh kawm i.

² Cia sawngpah in a roh ngai in hlinhlin i. Bawipa ai vancungmi pakhat vancung in zuktolh ai a hlan dawngkham lungtleppui thawn ai a vumah to i.

³ A hmuihmel tu vantlingtleleuh bang i ai a hnikpon tu vur bangin var i.

⁴ Hlan kiltute tu lau tlang ze manin hlawng ai mithi bangin um sio i.

⁵ Vancungmi in nupangte hnenah, “Lau mah ih; thinglamteh vumai rekhnak Jesuh si i si ti ning ling ing

⁶ Heta ah um lo i, a relciahnak bangin thihhnak in thoruai leh zo i. A phumhnak hmun sik tu ih,” tiin ti i.

⁷ Rang ngai in feh tu ilai a hnuahlunte heh “Thihhnak in thoruai leh zo i; ning hmai Galilee ah feh tuhai ciata ah hmu tuh i si,” tiin rel tu ih. I relhnak tepawl hai mah ih,” tiin ti i.

⁸ Ciamanin rang ngai in hlan in tlung kawm i; lau lawnsi, ang lawnsi, ciatihin hnuahlunte rel tuhin dawp kawm i.

⁹ Mangrin loin Jesuh tawk kawm ai, “Jesuh in ning hnenah daphnak um tu hram seh,” tiin ti i. Jesuh hnenah kawi ai a ke awh in bia kawm i.

¹⁰ Jesuh in anite hnenah, “Ning thinlau mah ih. I unaute khiah Galilee ah feh tuhin rel tu ih. Ciata ah i tawk tuh i,” tiin ti i.

Hlan Kiltute Ai Thuthanhnak

¹¹ Ciatihin nupangte a feh lakah, hlan kiltu ralkapte hrekkhat tu khuapui songah feh ai suangbawi upate hnenah hlan ai thil a canghnak hmuahhmuah rel tlang i.

¹² Suangbawi upate le Judah mi upate taikhawm ai thu ruat tlang i. Ralkapte heh nawhthuh tangka tampui pe ai,

¹³ “Kin mitmu lak zan laiah a hnuahlunte kawi ai a luang ru tlang i, ti tuh i si.

¹⁴ Ciami heh Mangki bawipa in a za inkhai ning lau tuh zaikhai um lo i, mawhhnak nai lo i tiin ning rel sah tuh i ing,” tiin ti tlang i.

¹⁵ Hlan kiltu ralkapte in paisa lang ai a relhnak bangin bawn tlang i. Ciami thu heh Judah mite in tunnia tianin rel tlang de i.

A Hnuahlunte Hnenah Jesuh Lar I

¹⁶ Hnuahlunte hrekkhat tu Jesuh ai ruaihnak bangin Galilee mual vumah feh tlang i.

¹⁷ Amah khiah hmu ai bia tlang i, ikhalselai a hrekkhat incen sang lo i.

¹⁸ Jesuh tu amahte nong ah kawi ai anite hnenah, “Lai le van ai thunaihnak hmuahhmuah heh kaimah hnenah i pe zo i.

¹⁹ Ciamanin feh tu ilai miphun hmuahhmuah i hnuahlun cangruai tu ih; Pa le Fapa le Rauhla Thianghlim hming in baptisma pe tu ih.

²⁰ Cen i thupehnak hmuahhmuah hlun tuhin zirh tu ih. Hai mah ih, san a bo hlanlo ning hnenah um tuh ing,” tiin ti i.