Marka 2 - Zanniat Bible

Jesuh In Mizepa Cakruai I

¹ Ni tlawmniu a rai hnuaah Jesuh tu Capernaum khua ah hleng leh ai inn ah um i ti khiah thang diamdo i.

² Mi tam ze kawi tlang manin inn song tu a lawnghnak hmun um nawn lo i; Anite hnenah Jesuh in thurel i;

³ ciatihin a rel lakah mite pali in mi ze pa Jesuh hnenah zawng tlang i.

⁴ Minung a tam ze manin Jesuh hnenah hlenpui thil lo i. Ciamanin Jesuh umhnak vumai diphun khiah bal tlang ai mi ze pa tu a ihphah thawn hla tlang i.

⁵ Anite sanghnak a naidan khiah Jesuh in a hmu fangin mi ze pa hnenah, “I fapa, na sualhnak tu na ngaithiam zo i,” tiin ti i.

⁶ Ciata ah a totu ve Danthiam mite hrekkhat in,

⁷ “Akontih in hetih bangin pong ngam ini? Pathian thangsiat i. Pathian siar lo aisu in mi sualhnak hlat thil i?” tiin amahte thinlung niu in ruat tlang i.

⁸ Amahte thinlung tu Jesuh in vaikhat pah in ling ai anite hnenah, “Zaimanin he bangtluk in ruat tlang i si?

⁹ Hemi mi ze pa hnenah hen ‘Na sualhnak tu ngaithiam zo i,’ ti maw, ‘Tho tulai na ihphah zual in feh tu,’ ti bai sawn i?

¹⁰ Mi Fapa in laivum ah mi ai sualngaithiam thilhnak nai i,’ ti khiah ning hnenah i larruai nuamhnak i,” tiin ti i.

¹¹ “Tho tu; na ihphah lang tulai na inn ah tlung tu, na ti ing,” tiin ti i.

¹² Amahte veksen in sik tlang ai cia laitak ah mi ze pa tu tho i; a ihphah zual ai a rang ngai in vak i. Amahte veksen in ngaihsunur tlang ze ai “Hemi bangtluk hmu awng lo i ing,” ti ai Pathian thangphat tlang i.

Jesuh In Levi Ko I

¹³ Jesuh tu Galilee Tili kamah feh lehthio i. Mi tampui a hnenah kawi tlang ai thu zirh i.

¹⁴ A vak kongin siahkhawltu, Alphaeus ai fapa Levi a zungkhan songah a to khiah hmu i. Jesuh in, “I hlun tu,” ti i. Levi tu tho ai hlun i.

¹⁵ Cia hnuaah Jesuh tu Levi inn ah rong ai i. Siahkhawltu le misual ti ai hnawlmi tampui in Jesuh tu hlun ai mi hrekkhat tu Jesuh le a hnuahlunte thawn rong ai tlang i.

¹⁶ Farasi mi Danthiam mite hrekkhat in Jesuh tu hebang mi hnawlhnak misual le siahkhawltute thawn rong ai tlang a hmu fangin a hnuahlunte heh, “Zaimanin hebang minungte thawn rong ai heh ipa,” tiin ti tlang i.

¹⁷ Cia thu heh Jesuh in za ai, “Mi nuncakte in sibawi kul lo i; a urtute ian in kul i. Midikcangte ko tuhin kawi lo ing, misualte ko tuhin kawi ing,” tiin ti i.

Rong Ulhnak Thu

¹⁸ Vaikhat ah baptisma petu John hluntute le Farasite rong ul tlang i. Mi hrekkhat Jesuh hnenah kawi tlang ai, “Zaimanin baptisma petu John hnuahlunte le Farasi hluntute tu rong ul tlang napui nang na hluntute tu rong ul tlang lo i?” tiin zawt tlang i.

¹⁹ Jesuh in, “Mopuai ai sawm mite tu rong ul i tiin ruat i sim? ul tlang lo i! Mohoitu pa amahte hnenah a um song ahcen rong ul tuh lo i.

²⁰ Ikhalselai amahte hnenin mohoitu pa lang lio nia hleng tuhai ciafangin rong ul tlang tuh ve i.

²¹ “Angki hlun dathnak tuhin aisu inkhai pon thar hmang awng kel lo i; zaimantifangin a dathnak pon thar heh ton tuhai a hnikpon hlun sawn zikruai tuhai a her cia heh kau tuh amam i.

²² Cen cabitti thar heh savun thawl hlun songah thun awng kel lo i, zaimantifangin cabitti thar in savun thawl hlun khoitiar tuhai cabit le a thawl tu hnawm tuh i. Ciamanin cabitti thar tu savun thawl thar songah thun tuh sawnhnak i,” tiin ti i.

Sabbath Nia Ul Thu

²³ Jesuh tu Sabbath nia ah sangvut lo songin vak i. Amah thawn hmunkhat ah a hnuahlunte khai feh tlang ve ai sangvut vui khai zut kong i.

²⁴ Farasite in Jesuh hnenah, “Sik tu, na hnuahlunte Sabbath nia ah he bangin thil a bawn tlang heh kin dan in daih lo i,” tiin ti tlang i.

²⁵ Jesuh in, “David in ai tuh zaikhai a nai lo fangin ziang bawn i ti siar awng lo sim? Amah le a rualpuite a rikam tlang ze ai,

²⁶ Pathian inn songah lut in Pathian hnenai selhnak sang khiah ai tlang i. Cialai ai Suangbawi Sang heh Abiathar i. Kin dan songai bang ilekhaw suangbawi lekin ai thil i. Ikhalselai David in ai ai cia hlaiah a rualpuite khai pe i,” tiin ti i.

²⁷ Cen Jesuh in, “Sabbath tu minung caah a bawnhnak i; minung tu Sabbath caah bawnhnak ilo i.

²⁸ Ciamanin Mi Fapa tu Sabbath vum ahkhai Bawi i,” tiin ti i.