Joshua 12 - Zanniat Bible

Moses Nehhnak Kumpibawite

¹ Israel mite ai nehhnak le khurhnak ramte tu Jordan in nisuah lamah Arnon phairawn in Jordan runpui kuam in sak lamah Hermon Tlang tian i. Israel ai nehhnak kumpibawi tu:

² Heshbon ai umtu Amor mite kumpibawi Sihon i ai a ukhnak ram tu Arnon phairawn hiangai umhnak Aroer khua an ciami phairawn laiteng ai Ammon mite ramri ai luanghnak Jabbok rawnti tian i ai Gilead ram khai a hrek in tel cih i.

³ Cen Jordan runpui kuam Tipui Thi in nisuah lamah tu Galilee tili in Beth Jeshimoth lamah hlang lam ramai a umhnak Pisgah mual tian i.

⁴ Cen Rephaim phun songin a tang sun Bashan kumpibawi Og khai neh i. Og tu Ashtaroth le Edrai khua khai uktu i.

⁵ A ram ukhnak songin Hermon tlang le Sakelah, Bashan peng pumpuhluk, Geshur le Maacah mite ai ramri tian, Gilead ram hrek Heshbon kumpibawi Sihon ai ukhnak ram tian tel i.

⁶ Hemi kumpibawite tu Moses le Israel mite in neh zo i. Bawipa ai cengfa Moses in amahte ram heh long i, amahte co tuhin Reuben hin, Gad hin le Manasseh hin a hrekte hnenah pe i.

Joshua Nehhnak Kumpibawite

⁷ Jordan in nitlak lam ram, lebanon phairawn ai umhnak Baalgad in Sair lamah tu Halak Tlang tian, Joshua le Israel mite in neh i. Hemi ram tu a miphun zah in Joshua in khan ai a zomzet in amahte co tuhin pe i.

⁸ Hemi ram songin tlang vum ram, nitlak lam ram, Jordan runpui kuam, tlangham tluante, nelrawn ram le Negev ramte tel i. Hemi ram tu Hit mi, Amor mi, Canaan mi, Perizz mi, Hiv mi le Jebus mite umhnak ram i.

⁹ Amahte nehhnak kumpibawite tu: Jericho kumpibawi, Ai kumpibawi (Bethel khua hiangai),

¹⁰ Jerusalem kumpibawi, Hebron kumpibawi,

¹¹ Jarmuth kumpibawi, Lakhish kumpibawi,

¹² Eglon kumpibawi, Gezer kumpibawi,

¹³ Debir kumpibawi, Geder kumpibawi,

¹⁴ Hormah kumpibawi, Arad kumpibawi,

¹⁵ Libnah kumpibawi, Adullam kumpibawi,

¹⁶ Makkedah kumpibawi, Bethel kumpibawi,

¹⁷ Tappuah kumpibawi, Hepher kumpibawi,

¹⁸ Aphek kumpibawi, Lasharon kumpibawi,

¹⁹ Madon kumpibawi, Hazor kumpibawi,

²⁰ Shimron Meron kumpibawi, Achshaph kumpibawi,

²¹ Taanak kumpibawi, Migiddo kumpibawi,

²² Kedesh kumpibawi, Jokneam kumpibawi (Karmel ai um),

²³ Dor kumpibawi (Varkam ai um), Goiim (Galilee ai um), le

²⁴ Tirzah kumpibawite i. A veksen in kumpibawite sawmthum le pakhat khim i.