Isaiah 15 - Zanniat Bible

Pathian In Moab Siatsuah Tuh I

¹ Hemi tu Moab ai thuhluphnak i: Ar le Kir khuapuite tu zankhat songah siatsuah i ai, Moab ram tu khing ruahro i.

² Dibon khua mite tu puleng ah kap tuhin tlang vumah kai i. Moab mite tu Nebo le Medeba khuate hmu fangin lungsia le thinnau in kap ai rung tlang i. A lungsia in a sam le a khahmulte met sio i.

³ Khuasong lampui ai a vaktute in buri hnikpon sil tlang i; khuasuah le inn vumah lungsia in kap in ai tlang i.

⁴ Hesbon le Elealeh khua mite tu kap in au tlang ai amahte aw tu Jahaz tianin thang i. Ralkap ralpha ber rin hlawng i; amahte ralphahnak tu pairal sek i.

⁵ Moab caah i thin i ur i! A minungte tu Zoar khua le Eglath Shelishiyah khua tian tlan sio i. Mihrekkhat tu Luhith Lampui hlun tlang ai vak kongin kap tlang betbo i; a hrek tu Horonaim lamah tlan tlang ai thin ur in kap betbo i.

⁶ Nimrin rawnti tu kang sek i, a hiangai hampa tu vawi sek i; a hing zaikhai um nawn lo i.

⁷ Amahte naihnak hmuahhmuah thiar in Nempan Phairawn tan tlang ai khat lam ralah tlan tuh i.

⁸ Moab ramri cangah kaphnak thawm thang i. Eglaim le Beerelim khua ahkhai amahte kaphnak thawm thang i.

⁹ Dibon khua ai runti tu thisan in dim i; ikhalselai cia tahin a roh deuh anite caah Pathian in hlengruai tuhlai i. I, Moab ram songah a tangsun mi hnih khat khai rekhnak tuar tuh i.