Hosea 14 - Zanniat Bible

Hosea In Israel Hnem I

¹ Aw Israel mite, Bawipa ning Pathian hnenah let tu ih. Ning sualhnak manin ning bah zo ai ning tlu zo i.

² Bawipa hnenah let tu ilai hetihin sawngen tu ih: “Kin sualhnak hmuahhmuah kin ngaithiam tu; kin sawngenhnak kin sang tulai kin thukhamhnak bangin thang na phat tuh i ing.

³ Assyria incen kin o ben tuh awng lo i; kin siphuhlengte in kin hup ben tuh fawn lo i. Kin kut ai kin bawnhnak milimte hnenah, “Nang tu kin khuavang isi ti tuh nawn lo i ing. Aw Bawipa bawmtu dang nai lo mite hnenah ninghiohnak pe ṭiotu isi,” ti tu ih. Bawipa in hetihin i ti i.

Bawipa In Nunhnak Thar Thukham I

⁴ “I minungte ai hlotlauhnak le vakvaihnak tu cakruai tuh ing; I thinlung ngaingai in it tuh ing. I thinrawhnak tu amahte hnenin pial zo i.

⁵ Israel mite ca ahcen ramcar ai ruahti bang i tuh ing, Dingawrhpar bangin par tuh i, Lebanon thingkung bangin kho ngai in po tuh i.

⁶ A kak a thar in cer tuhai, Olive thing bangin mawi tuh i. Lebanon ai cedar thing bangin a rim hmui tuh i.

⁷ Kaimah ai kohlim hniaah um leh tuh i. Vuandum ah hlaici cing tuhai, Cabit vuan ai cabit bangin thai tuh i. Lebanon cabitti bangin hmingthang tuh i.

⁸ Israel mite tu milim thawn pehzomhnak nai tuh nawn lo i; A sawngenhnak tu ngai sah tuhai kaimah in kilkhawl tuh ngio ing. A hnah a hing ṭiode thingkung bangin, I kohlim hniaah dah tuh ing. Kai tu a hmuifu hampui ing,” ti i.

⁹ Mifim hmuahhmuah in heta ai nganhnak heh ling tlang tu selai lingthiamhnak nai in amahte thinlung in phatak niu in hih tlang tuseh. Bawipa ai lampui tu dikcang ai midikcangte in ciami lampui hlun tlang i. Ikhalselai ciami lampui hlun tlang lo manin misualte tu bah ai tlu tlang i.