Amos 2 - Zanniat Bible

Moab

¹ Bawipa in, “Moab mite tu tun le tun sual manin cawh tuh tengteng ing. Edom kumpibawi ai ruhte tu mai in tai ai riap sek i.

² Ciamanin Moab ram vumah mai hlak tuhai Kerioth ai inn pha pawl kang tuh sek i. Moab mite tu raltawng dun laitak, ralkapte au dekdo laitak le thirhlung aw a thang laitak ah thi tuh thliahthlo i.

³ Moab ram uktu le ram songai hotute hmuahhmuah khai rek tuh sek ing,” tiin ti i.

Judah

⁴ Bawipa in, “Judah mite tu tun le tun sual manin cawh tuh tengteng ing. I thuzirhhnak nautat ai i thukhamte hlun lo i. Amahte pupate ai bia awnghnak pathian khelte in hoisual i.

⁵ Ciamanin Judah vumah mai hlak tuhai Jerusalem ai inn pha pawl kang tuh sek i,” tiin ti i.

Israel Thukhanhnak Tuar I

⁶ Bawipa in, “Israel mite tu tun le tunin sual manin cawh tuh tengteng ing. Mi fel ita inkhai laiba a rul ben lotute le kedawl piarkhat man a pe ben lotute khiah sal ah zuar i.

⁷ Bawmtu nai lo le mi ṭawnṭai pawl laivut lakah fon dekdo ai mifarahte lampui in tul i. Pa le fa in nupang pakhat sualpui kawm ai ciatihin i hming thianghlim ningrimtiar i.

⁸ Biahnak hmuncang ah mifarah hnenin laiba tumrul in langhnak pon phah ai it i. Tangka batute hnenin paisa kuanruaihnak in zu lai ai a Pathian Biakinn songah ding i.

⁹ “Ikhalselai i miphunte, ningmah caah nakhaw cedar thing bangin a sangmi le cianghlim thing bangin a hakmi Amor mite kaimah in siatsuah sek ing.

¹⁰ Egypt ram an ning hoi ai ramkhing songah kum sawmli song ning khor ing. Cen Amor mite ai ram tu ningmah in nai tuhin ning pe ing.

¹¹ Ning fapate hrekkhat prophet tuhin kaimah in ril ai ning minote hrekkhat Nazir mi ah ril ing. I lo i ti thil tuh i sim, aw Israel mite? Bawipa kaimah in rel zo ing.

¹² Ikhalselai ciami Nazir mite tu ningmah in zu dingruai ai prophette i thu aupui tuh loin kham i si.

¹³ Ciamanin tun tu lai ah ning nem tuh dekdo ai rong rit ngai a phurtu kawlpawleng pau bangin rung tuh i si.

¹⁴ Dawp cak ngai pawl rin luat tuh lo i; mihat ngai pawl a thazang ṭum tuhai ralkapte rin amahte nunhnak hup dun ben tuh lo i.

¹⁵ Li le thal a hmangtute rin kang ben tuh lo i; dawp cak ber rin luat tuh lo ai siphuh vumto ralkapte khai luat tuh ce lo i.

¹⁶ Cia nia ahcen ralpha ber ralkap rin a fai le vang lon tuhai tlan tuh teu i,” ti i. Bawipa in rel zo i.