Aanroling 12 - Zanniat Bible

¹ Fimhnak a daihtute in a sual fangin nunthutiam daih i. Nunthutiamhnak a huatute tu mivoite i.

² Bawipa in mipha pawl tu thangphat i; Ikhalselai phatlohnak khuaruattute tu hnawl i.

³ Phat lohnak in mi humhim lo i; Ikhalselai midikcangte tu kho ngai in ding tlang i.

⁴ Nupui pha heh a pasal ai sui lukhuk i; Ikhalselai a pasal vumai zakthihnak a hlengruaitu nupui tu, A pasal ruh songai cancer urhnak bang i.

⁵ Midikcang in tluang ngai in mi kom i, Mihrokhrawl pawl incen mi zawl tuh ian nuam i.

⁶ Mihrokhrawl pawl ai ponkam tu mi rekhnak thu i; Ikhalselai midikcangte ai ponkam in mi osuak i.

⁷ Mihrokhrawl pawl tu thihhnak tawk tlang ai ci hmit sio i; Ikhalselai midikcang innsangte tu amahte santluan in pha i.

⁸ Mifim ilesikhaw mi in thang na phat tuh i; Mivoi ilesikhaw mi in zoh na suam tuh i.

⁹ Mah ai nunhnak hrang naper a pertu thliahthlo mi zaran menma heh, mi thupui ngai bangin um ai rikam tahin pha sawn i.

¹⁰ Midikcangte in amahte sumhnam kilkhawl i; Ikhalselai hrokhrawl mite in amahte sumhnam ninghiohnak nai lo i.

¹¹ A thakol mi lovai pa in aih tuh tampui nai i; Ikhalselai a hnempui lo naperhnak ah can a boruaitu heh mivoi i.

¹² Mihrokhrawl pawl ai daihhnak tu thilpha lo bawn tuh si khiah i. Ikhalselai midikcangte ai a hampui tu kho ngai in ding i.

¹³ Mihrokhrawl tu amah ai ponkam in awk dun i; Ikhalselai mipha tu harhnak in amah niu in luat leh i.

¹⁴ Na relhnak le na bawnhnak vumah na covo um i; Nangmah ai tawk zawn in ngah tuh isi.

¹⁵ Mivoite in midikcang ing tiin ruat dun ṭiode i; Mifimte in thuruahpehnak ngai i.

¹⁶ Mivoi in a thinrawhnak rang ngai in larruai vut i; Mifim incen mi ai zohsuamhnak rin dapthen in um san menma i.

¹⁷ Thudik na relhnak in felhnak larruai i; Ikhalselai thudon in fel lohnak lamah hoi i.

¹⁸ Ruathnak nai hang lo ponkam in vang bangin thuk ngai in mi dawt i; ikhalselai mifim ai ponkam in hmaihma lawmruai i.

¹⁹ Thudon in nunhnak can comniu nai i; Ikhalselai thudik tu kumzangza in nung i.

²⁰ Phat lohnak thil a ngaisungtu heh amah veve zawl dun i; Ikhalselai daphnak remreltute hnenah anghnak um i.

²¹ Midikcangte hnenah thilpha lo hleng lo i; Ikhalselai hrokhrawl mite tu harsahnak ian tawk tlang i.

²² Bawipa in thudonreltute hua i; Ikhalselai midikcang rinsantlakte tu lawm i.

²³ Mifimte incen amahte linghnak thu ahkhai dapthen in um tlang i; Ikhalselai mivoite incen amahte voihnak larruai de i.

²⁴ Naper zuamhnak in ukhnak huham na pe tuhai, Thazawnghnak in sal ah na cangruai tuh i.

²⁵ Donharhnak in anghnak hnawt tuh teu i; Ikhalselai ninghiohnak ponkam in thazang na pe tuh i.

²⁶ Midikcang pa tu a rualpui ai lamhoitu i; Ikhalselai mihrokhrawl pa ai lampui in rualpuite lampialruai i.

²⁷ Mi thazawngte in hampalak vak tlang inkhai sakaphnak nai tlang lo i; Ikhalselai mithakolte in thil man songlawi ber khawm tlang i.

²⁸ Dikcanghnak tu nunhnak lampui i ai, phatlohnak tu thihhnak lampui i.