1 Timote 1 - Zanniat Bible

¹ Kin nunotu Pathian ai thupehnak in le kin umlamhnak Khrih Jesuh zarto in Khrih ai nalang kaimah Paul in,

² kin sanghnak songah i fapa ngaingai Timothy na hnenah lai na kuat ing. Kin Pa Pathian le kin Bawipa Jesuh Khrih in thinpem ngaihharhnak, ninghiohnak le daphnak ning pe tu hram seh.

Zirhhnak Sual Ralringhnak

³ Macedonia peng i feh lamai i ruai zohnak bangin Ephesa khua ah um tuhin i daihsahhnak i. Ephesa khua ai thupom dik lo a zirhtute heh ciatihin zirh tuh nawn loin kham tu rori law ti i daih i.

⁴ Eldunhnak ian a suahpuitu tluanthu menma le bo thil lo tianin nganhnak amahte suahkehhnak pupate hming uarhnak khai lon tuhin rel tu. Zaimantifangin ciabang tepawl in Pathian ai tumtekhnak khimruai thil lo i. Sanghnak ian in Pathian ai tumtekhnak ling thil i.

⁵ Hemi bangin na ruai fangin i tumtekhnak tu, thinlung thiang songin a hlenghnak ithnak, le a hnawm a pha thiahnak thinlung thiang le sanghnak fel um tuseh ti daihhnak manin i.

⁶ Hemite heh mi hrekkhat in hlum ai voithu thu eldunhnak songah hleng tlang i.

⁷ Pathian ai dan thula ahcen zirhtu saya per nuam tlang i; inapui amahte relhnak lala rin a sullam ling tlang lo ai a ling roh bangin amahte relhnak thu khai ling ngah tlang ngaingai lo i.

⁸ Dan heh amah ihnak bangin hmang fangin tu a pha i ti ling ising.

⁹ Ikhalselai kin hih tuh a kulhnak tu, dan tihnak tu mipha caah bawnhnak ilo i; dan a baltu, mihrokhrawl, Pathian upathnak nai lomi le misualralte, biahnak ituseh rauhla lam ituseh zaikhai a siar ngiungio lotute, mah nu le pa a rektute, mirektute,

¹⁰ dan nai loin a nungtute, mihurte, sal zuar in sumpai te, thudonrelte, thu lingpuitu dik lote, cen thupom dik kalh ai nungtute, ciamite caah bawnhnak i.

¹¹ Ciabang zirhdunhnak heh than tuhin i ruaihnak Thuthangpha songah um ai ciami Thuthangpha heh songloih le upat ai a ummi Pathian hnenin a hlenghnak i.

Ninghiohnak Manin Anghnak

¹² I naper i perthilhnak ah thazang i petu kin Bawipa Jesuh Khrih hnenah anghnak thu rel ing. Hlan ahcen Ani tu thangsiat ing, reem ai zohsuam dekdo napui,

¹³ Amah ruaihtu tuhin i ril ai a ruaihtu tuh tlak in i ruat manin thangphat ing. Pathian tu ning i hiotu i, zaimantifangin sanghnak zaikhai nai lo ai i bawnhnak heh ziang i ti rin ling awng lo ing.

¹⁴ Bawipa in ninghiohnak tampui thawn i burh ai sanghnak le ithnak i pe i. Ciami sanghnak le ithnak tu Khrih thawn kin pawlkomhnak thawmin kaimah ai i zo i.

¹⁵ Khrih Jesuh tu misualte o tuhin laivum ah zuktolh i, tihnak tu a dikmi ponkam i ai semkhim liang in pom tlak le sang tlak i. Cia misualte lakah kaimah heh misual ber ing.

¹⁶ Ikhalselai Pathian tu i vumah ninghiohnak nai ai Khrih Jesuh a thinsauhnak le thinnemhnak i vumah a larhnak tuhin i. Ciatih bangin Khrih Jesuh lungnem thinsauhnak kai misual ber miangmo vumah a hlenghnak tu lehhnua ah mi in amah sang ai kumkhua nunhnak ngahhnak tuh santeh tuhin i.

¹⁷ Kumzangza in kumpibawi, thih nia nai lo, le mit ai hmu thil lo, amah ian Pathian taktak a imi, hnenah upathnak le songlawihnak kumzangza in kho tu ngio seh! Amen.

¹⁸ Timothy, i fapa, na bawn tuhhnak tepawl na hnenah na ap ing. Hetihin na ap fangin a hlanah nangmah ai thu ah prophet ai relciahnak thawn a kaih dun i. Ciami prophet ai relhnak tepawl tu raltawnghnak fai le vang ah hmang tulai,

¹⁹ thinlung thiang nai in na sanghnak khoruai tu. Mihrek tu a hnawm le a pha thiathiamhnak thinlung hlun nuam tlang lo manin amahte sanghnak hnawmruai de i.

²⁰ Ciabang mite lakah Hymenaeus le Alexander khai tel kawm ai a pahnih in Satan kut songah pe ing. Hebang ai i bawnhnak tu Pathian relsiahnak awl tuseh tihnak ah i.