1 Sansiarnak 6 - Zanniat BibleSuangbawi Sang Tesinfate 1 Levi in fapate pathum nai ai Gershon, Kohath le Merari i. 2 Kohath in fapate pali nai ai Amram, Izhar, Hebron le Uzziel i. 3 Amram in fapate pahnih Aaron le Moses nai ai fanu pakhat Miriam nai i. Aaron in fapate pali nai ai Nadab, Abihu, Eleazar le Ithmar i. 4 Eleazar ai tesinfate tu sankhat hnua sankhat a hnia lam aite i: Phinehas, Abishua, 5 Bukki, Uzzi, 6 Zerahiah, Meraioth, 7 Amariah, Ahitub, 8 Zadok, Ahimaaz, 9 Azariah, Johanan, 10 Azariah (Jerusalem ai kumpibawi Solomon sahnak Biakinn ai naruaihtu). 11 Amariah, Ahitub, 12 Zadok, Shallum, 13 Hilkiah, Azariah, 14 Seraiah le Jehozadak i. 15 Bawipa in Judah mite le Jerusalem mite kumpibawi Nebuchadnezzar kut in sal tanghnak ai a fehpui laiah Jehozadak khai tel ve i. Levi Ai A Dang Tesinfate 16 Levi in fapate pathum nai ai Gershon, Kohath le Merari i. 17 Anite inkhai fapate nai tlang ṭen i. Gershon tu Libni le Shimei ai pa i; 18 Kohath tu Amram, Izhar, Hebron le Uzziel ai pa i. 19 Cen Merari tu Mahli le Mushi ai pa i. 20 Gershom hinte tu sankhat hnua sankhat a sangsang in: Libni, Jahath, Zimmah, 21 Joah, Iddo, Zerah, Jeatherai i. 22 Kohath hinte tu sankhat hnua sankhat a sangsang in: Amminadab, Korah, Assir, 23 Elkanah, Ebiasaph, Assir, 24 Tahath, Uriel, Uzziah le Shaul i. 25 Elkanah in fapate pahnih Amasai le Ahimoth nai i. 26 Ahimoth ai tesinfate tu sankhat hnua sankhat ah hemite i: Elkanah, Zophai, Nahath, 27 Eliab, Jeroham, Elkanah i. 28 Samuel in fapate pahnih nai i: A upa tu Joel i ai a nauta tu Abijah i. 29 Merari ai tesinfate tu sankhat hnua sankhat a sangsang in: Mahli, Libni, Shimei, Uzzah, 30 Shimea, Haggiah le Asaiah i. Biakinn Ai La hoitute 31 Thutiam Kuang Jerusalem ah a thawn hnuaah kumpibawi David in Pathian bia hmun ai la hoitu ai a dahhnak tepawl tu a hnia lam aite i: 32 Kumpibawi Solomon in Biakinn a sa hlan song hmuahhmuah Bawipa umhnak ponhlam songah a sonson in la lamah ṭuanvo lang tlang de i. 33 La hoitu le a tesinfate tu: Kohath hin songin Heman tu hmasaber larem hotu i; ani tu Joel ai fapa i. A pupate tu Jacob ai nam i ai a sangsang in: Heman, Joel, Samuel, 34 Elkanah, Jeroham, Eliel, Toah, 35 Zuph, Elkanah, Mahath, Amasai, 36 Elkanah, Joel, Azariah, Zephaniah, 37 Tabath, Assir, Ebiasaph, Korah, 38 Izhar, Kohath, Levi, Jacob i. 39 Cen Asaph tu larem pahnihhnak hoitu i. A pupate tu Levi nam i ai a sangsang niu in: Asaph, Berechiah, Shimea, 40 Michael, Baasaiah, Malchijah, 41 Ethni, Zerah, Adaiah, 42 Ethan, Zimmah, Shimei, 43 Jahath, Gershon le amahte sentu Levi mite i. 44 Merari hin in Ethan tu larem pathumhnak hotu i. A pupate tu Levi nam i ai a sangsang in: Ethan, Kishi, Abdi, Malluk, 45 Hashabiah, Amaziah, Hilkiah, 46 Amzi, Bani, Shemer, 47 Mahli, Mushi, Merari le amahte sentu Levi mite i. 48 Amahte Levi hinpuite tu Pathian bia hmun ai naṭuan a phunphun awhtute i. Aaron Ai Tesinfate 49 Aaron le a tesinfate in rimhmui tai ai puleng vumah hibawlhnak sel tlang i. Hmun Thianghlim Ber hmunai Pathian biahnak thawn a pehdunhnak naṭuan le Pathian in Israel mite sualhnak hibawlhnakte tu amahte ai ṭuanvo i. Hemi naṭuante heh Pathian cengfa Moses hnenah thupeciahnak a um bangin bawn tlang i. 50 Aaron ai tesinfate tu: Eleazar, Phinehas, Abishua, 51 Bukki, Uzzi, Zerahiah, 52 Meraioth, Amariah, Ahitub, 53 Zadok, le Ahimaaz i. Levi Mite Umhnak 54 Kohath hin, Aaron tesinfate ai umhnak a cohnak tu hetihin i: Ram khan pakhathnak a co hmasabertu heh anite i. 55 A cohnak ram tu Judah ram songah Hebron le a hiang sumhnam leng hmun ramte tel i. 56 Ikhalselai khuapui hiangai lo le khuatenaute tu Jefunneh ai fapa Kaleb pe i. 57-59 A hnia lamai khuate tu Aaron ai tesinfate hnenah pe tlang i: relhhmun khuapuite tu Hebron le Jattir, Libnah, Eshtemoa, Hilen, Debir, Ashan le Beth Shemesh i ai a hiangai sumhnam lailenghnak ramte khai tel i. 60 Benjamin ram songah Geba, Alemeth, Anathoth khuate i ai a hiangai sumhnam lailenghnak ram khai tel i. A songkhat amahte veksen in umhnak tuhin khuate hlaithum pe i. 61 Kohath hin ai songkhat dangdang hnenah nitlak lam Manasseh ram heh a innsang a innsang in camciafung duk in pe i. 62 Gershon hin hnenah a innsang a innsang in Issakhar ram, Asher ram, Naphtali ram le nisuah lam Manasseh, Bashan ram songin khuate hlaithum pe i. 63 Ciabang thotho in Merari hinte hnenah a innsang a innsang in Reuben ram, Gad ram le Zebulun ram songah khuapuite hlaihnih pe i. 64 Ciatihin Israel mite in Levi mite hnenah amahte umhnak tuhin khuapuite le a hiangai sumhnam lailenghnak thawn pe i. 65 (A vumai relciahnak Judah ram, Simeon ram le Benjamin ram songai khuapuite khai camciafung duk in pe i). 66 Kohath hinte hnenah Epharaim ramai khuapuite le sumhnam lailenghnak ramte pe i. 67 Ciami khuapuite tu Epharaim tlang vum ramai a ummi relhhnak khuapui Shechem le a dangdang khuapui Gezer, 68 Jokmeam, Beth Horon, 69 Aijalon le Geth Rimmon i. 70 Nitlak lamai Manasseh ram songai Aner le Bileam khuapuite heh amahte hiangai sumhnam lailenghnak ram thawn pe i. 71 Gershom hin innsangte hnenah a hnia lamai khuapuite le a hiangai sumhnam lailenghnak ramte pe i. Nisuah lam Manasseh ramah Bashan ai umhnak Golan khua le Ashtaroth khua, 72 Issakhar ramah Kedesh, Daberath, 73 Ramoth le Anem khuate, 74 Asher ramah Mashal, Abdon, 75 Hukok le Rehob khuate, 76 Naphtali ram songai umhnak Galilee peng ai Kedesh, Hammon le Kiriathaim khuate i. 77 Merari hin innsang dangte hnenah a hnia lamai khuapuite tu a hiangai sumhnam lailenghnak khuate thawn pe i: Zebulun ramah Rimmono le Tabor khua, 78 Reuben ram, Jericho in nisuah lam Jordan Runpui lamah mualrawn ai umhnak Bezer le Jahzah, 79 Kedemoth le Mefaath khuate, 80 Gad ramah Gilead ai Ramoth, Mahanaim, 81 Heshbon le Jazer khuate i. |
Zanniat Bible © Bible Society of Myanmar, 2018.
Bible Society of Myanmar