1 Sansiarnak 2 - Zanniat Bible

Judah Ai Tesinfate

¹ Jacob in fapate hlaihnih nai ai Reuben, Simeon, Levi, Judah, Issakhar, Zebulun,

² Dan, Joseph, Benjamin, Naphtali Gad le Asher i.

³ Judah in fapate panga nai i. A nupui, Canaan nupang, Bathshua hnenah fapate pathum Ar, Onan le Shalah nai i. A fapa upa ber Ar tu a sual ze lawmlam manin Bawipa in rek i.

⁴ A fapa ai nupui Tamar hnen ahkhai Perez le Zerah nai i.

⁵ Perez in fapate pahnih Hezron le Hamul nai i.

⁶ A nau Zerah in fapate nai ai Zimri, Ethan, Heman, Kakol le Dara i.

⁷ Karmi ai fapa Akhan in Bawipa ca ai a zarh thilri heh amah ca tuhin ru manin Israel mite vumah siatsuahtu ah cang i.

⁸ Ethan in fapa pakhat Azariah nai i.

Kumpibawi David Songkhatte

⁹ Hezron in fapate pathum Jerahmeel, Ram le Kaleb nai i.

¹⁰ Ram in Jesse tian, amahte songkhat ai sentute tu: Ram, Amminadab, Nashon, (ani tu Judah hin ah mi hmingthang ngai i).,

¹¹ Salmon, Boaz,

¹² Obed le Jesse i.

¹³ Jesse in fapate pasarih nai i. Upaber in nauta ber tian a sangsang in Eliab, Abinadab, Shammah,

¹⁴ Nathanael, Raddai,

¹⁵ Ozem le David i.

¹⁶ Fanute pahnih Zeruiah le Abigail nai i. Jesse fanu Zeruiah in fapa pathum nai ai Abishai, Joab le Asahel i.

¹⁷ A fanu dang Abigail in Ishmael ai tefa Jether thawn hoi dun ai fapa pakhat Amasa nai i.

Hezron Ai Tesinfate

¹⁸ Hezron i fapa Kaleb in Azubah hoi ai fanu pakhat Jerioth nai kawm ai fapate pathum Jesher, Shobab le Ardon khai nai i.

¹⁹ Azubah a thi hnuaah Kaleb in Ephrath hoi leh ai fapa Hur nai kawm i.

²⁰ Hur ai fapa tu Uri i ai a fasuan tu Bezalel i.

²¹ Hezron tu kum sawmruk a khim fangin Makhir ai fanu, Gilead ai farnu hoi i. Fapa pakhat Segub nai kawm ai,

²² Segub in fapa pakhat Jair nai i. Jair in Gilead ramah khuapuite kulhluan thum uk i.

²³ Ikhalselai Geshur le Aram ramte an khua sawmruk lang ai Havvoth Jair le Kenath khuate le a hiangai khuatenaute khai tel i. Ciami khua songai a umtute tu Gilead ai pa Makhir ai tefate i.

²⁴ Hezron thi hnuaah a fapa Kaleb in a pa ai nupui Ephrath hoi i. Fapa pakhat Ashur nai kawm i; Ashur tu Tekoa khuasattu i.

Jerahmeel Ai Tesinfate

²⁵ Hezron ai fapa hmasaber Jerahmeel in fapate panga nai i. Upaber tu Ram i ai a dangte tu Bunah, Oren, Ozem le Ahijah i.

^26-27 Ram in fapate pathum nai ai Maaz, Jamin le Eker i. Jerahmeel in nupui dang Atarah nai ai fapa Onam nai kawm i.

²⁸ Onam in fapate pahnih nai ai Shammai le Jada i. Shammai in fapate pahnih nai ai Nadab le Abishur i.

²⁹ Abishur in Abihail hoi ai fapate pahnih Ahban le Molid nai kawm i.

³⁰ Nadab in fapate pahnih Seled le Appaim nai i; Seled tu fa nai loin thi i.

³¹ Appaim tu Ashi ai pa i, Ashi tu Sheshan ai pa i, cen Sheshan tu Ahlai ai pa i.

³² Shammai nau Jada in fapate pahnih Jether le Jonathan nai i; ikhalselai Jether tu fa nai loin thi i.

³³ Jonathan in fapate pahnih Peleth le Zaza nai i. Hemite tu amahte veksen in Jerahmeel ai tesinfate i.

³⁴ Sheshan in fapa nai lo i, fanu lek nai i. Egypt mi hnenum pa pakhat Jarha tihnak nai ai,

³⁵ ciami pa heh a fanu pakhat nupui tuhin hoiruai i. Fapa nai ai Attai tiin ko i.

³⁶ Attai ai sen mite tu a sangsang in Attai, Nathan, Zabad,

³⁷ Ephlal, Obed,

³⁸ Jehu, Azariah

³⁹ Helez, Eleasah,

⁴⁰ Sismai, Shallum,

⁴¹ Jekamiah le Elishama i.

Kaleb Ai Tesinfa A Dangte

⁴² Jerahmeel ai naupa Kaleb ai fapa upa ber tu Mesha i. Mesha tu Ziph ai pa i. Ziph tu Mareshah ai pa i, Mareshah tu Hebron ai pa i.

⁴³ Hebron in fapate pali nai ai Korah, Tappuah, Rekem le Shema i.

⁴⁴ Shema tu Raham pa i ai Jorkeam ai pu i. Shema ai u Rekem tu Shammai ai pa i.

⁴⁵ Shammai tu Moan ai pa i, Moan tu Bethzur ai pa i.

⁴⁶ Cen Kaleb in nunawn pakhat Ephah nai ai fapate pathum nai kawm i: Haran, Moza le Gazer i. Haran in fapa pakhat Gazez tihnak nai i.

⁴⁷ Jaddai in fapate paruk nai ai Regem, Jotham, Geshan, Pelet, Ephah le Shaaph i.

⁴⁸ Cen Kaleb in nunawn pakhat nai ai a hming tu Maacah i. Fapate pahnih nai kawm ai Sheber le Tirhanah i.

⁴⁹ A hnuata lamah a dang fapate pahnih Shaaph le Shevah nai lala i; Shaaph tu Madmannah khuasattu i ai Shevah tu Makbenah le Gibea khuasattu i. Kaleb in fanu pakhat Akhsah tihnak nai i.

⁵⁰ A hnia lam aite khai Kaleb ai tesinfate i. Kaleb le a nupui Ephrath ai naihnak fapa upa ber tu Hur i. Hur ai fapa Shobal tu Kiriath Jearin khuapui sattu i;

⁵¹ a fapa pahnihhnak Salma tu Bethlehem khuasattu i; a fapa pathumhnak Hareph tu Beth Gader khuasattu i.

⁵² Kiriath Jearim khuapui sattu Shobal tu Haroeh mi, Meruhoth ai a ummi miphunte ai a hrek,

⁵³ Kiriath Jerim ai a ummi a hnia lamai hinte; Ithri mi, Puth mi, Shumath mi le Mishrai mite ai sentu i. (Zorah mi le Eshtaol mite khai hemi hinte ai sentute i).

⁵⁴ Bethlehem khuasattu Salma tu Netophath mi, Atroth beth Joab mi, Zor mi le Manahath ai a ummi a hrekkhat ai sentu i.

⁵⁵ A hnia lamai hinte laingan thiamtu le laikhum thiamtute: Tirath mi, Shimeath mi le Sukath mite tu Jabez khua ai umtute i. (Anite tu Ken mite i ai Rechab mite thawn a hoiduntute i).