Matayo 1 - MMA SHIYYA

¹ Iki nkyo kitabu kiwore mboni ya ufwari lwa Yesu Kristo. Ye akee mfwari wa Davidi ulya akee mfwari wa Abraamu.

² Abraamu andeira Isaki, Isaki kaira Yakobo. Yakobo kaira Yuda na vanavamae.

³ Yuda kaira Peresi na Sara na mae wawo yye Tamari. Peresi kaira Esiromu, Esiromu kaira Aramu.

⁴ Aramu kaira Aminadabu, Aminadabu kaira Naasoni, Naasoni kaira Salimoni.

⁵ Salimoni kaira Boasi, na mae yye Raabu. Boasi kaira Obedi na mae yye Ruti. Obedi kaira Isai.

⁶ Isai kaira mangi Davidi. Davidi kaira Salomon na mae yye nka ulya wa Uria.

⁷ Salomon kaira Roboamu, Roboamu kaira Abia. Abia kaira Asa.

⁸ Asa kaira Yosafati, Yosafati kaira Yoramu, Yoramu kaira Usia.

⁹ Usia kaira Yotamu, Yotamu kaira Ahasi. Ahasi kaira Hesekia.

¹⁰ Hesekia kaira Manase, Manase kaira Amosi, Amosi kaira Yosia.

¹¹ Yosia kaira Yekonia na vanavamae kyeeri kilya vasamiswa vaende Babeli.

¹² Neeli vandemaa isamisyo kulya Babeli, Yekonia kaira Salitieli, Salitieli kaira Serubabeli.

¹³ Serubabeli kaira Abiudi, Abiudi kaira Eliakimu, Eliakimu kaira Asori.

¹⁴ Asori kaira Sadoki, Sadoki kaira Akimu, Akimu kaira Eliudi.

¹⁵ Eliudi kaira Eliasari, Eliasari kaira Matani, Matani kaira Yakobo.

¹⁶ Yakobo kaira Yosefu akee mmi wa Maria ulya andeira Yesu ito avaangwaa Kristo.

¹⁷ Kyasia fishuku foose kuuka Abraamu kumande Davidi mfishuku ikumi na fiini. Na kuuka Davidi kumande kyeeri kilya vasamiswa vaende Babeli mfishuku ikumi na fiini. Na kuuka kyeeri kilya kya usami lwa Babeli kumande Kristo mfishuku ikumi na fiini.

¹⁸ Kyasia iiriwa lya Yesu lyave kuri: Mae wamwi Maria eefingyoo ni Yosefu. Na kitaare veensangyaa andu emwi kamanyika sheeli akufingye kwa finya ya Mumuyo Nsongori.

¹⁹ Na mmi wamwi Yosefu eekee nndu nsumani nta ikunda insuta kafura inreawo kiteeshiwa.

²⁰ Neeli eekusaṛaa kuro, malaika wa Iṛuva kanshea yorień kanumbua: Iwe Yosefu mwana wa Davidi, manya kutaeṛee yalika nka wafo Maria, amu ikufinga lyamwi nkwa finya ya Mumuyo Nsongori.

²¹ Nae airaa mwana wa womi, na irina lyamwi kuvvaangaa Yesu. Amu yye akiṛaa vandu vamwi mareko awo.

²² Na kiteveto kikava kuro, naamu kifike kilya kindererwa ni Nndumi na kana ka mwauya kisuku ulya eenumbuaa:

²³ Lla te sambuṛa ikufingaa na iira mwana wa womi, na irina lyamwi vavvaangaa Imanueli. Nkimwi na: Iṛuva akee neese.

²⁴ Neli Yosefu andeokia ruoń, katana sheeli malaika wa Nndumi andemwia. Kaalika nka wamwi.

²⁵ Nta ikwania nae, kumande ili andeira mwana wa womi. Kawaanga irina lyamwi Yesu.