Barua ya Yohane ya kavili 1 - MMA SHIYYA

¹ Niń nsuṛi nakwisana iwe yeyo nnini kukee nsaue na akwaa wana vafo wakundie dede. Nta nniń shi muni wakundie da ndi, kake na valya woose vammanya kilya kikee kya dede.

² Tivakundie kiimba kya udede lukee kweru, nalo luvaa neese miṛeṛe.

³ Uwoo na ililia na unambwe fuukie kwa Iṛuva Nde na kwa Yesu Kristo akee Mwana wa Nde fivaa neese kundo udede lukai na ikunda.

⁴ Nkee ifura nnu, fulya nallolia kari ka vana vafo veefo varie shia ya udede isumani na ivavaso Nde andetiniinga.

⁵ Na alli, yeyo, nakutereva, amu tikundane. Nta niikai nakutisiṛia ivavaso iiya ndi, kake llia yeni tikee nalyo kuuka mbooko.

⁶ Na ikunda Iṛuva llyo ili: Teende weendo lusumani na mavavaso amwi. Ili llyo ivavaso lia mundeita kuuka mbooko, amu mwende mwikaariswaa llyo.

⁷ Amu valembi veengi vankwimboo isangeń kitaare vakee irambua sheeli Yesu Kristo ansha kwa mikae a wili wa kinndu. Uu yye llembi ulya akee mukana Kristo.

⁸ Kulleń, amu mutarete mbusha ya mashoṛa anu, kake kabanień maṛe anu amuvie woose.

⁹ Ulya woose ateveta vandu atakaa na ufundo lwa Kristo ito awore Iṛuva ndi. Ulya akaa na ufundo ilo awore Nde alungani na Mwana.

¹⁰ Kwakooya nndu asha kwanu atarie ufundo lo manya mutawwarie numbeń kwanu ana nta mutamwisane.

¹¹ Amu ulya amwisanaa avva uroe wa fikasha filya famwi.

¹² Noore fiingi fa imutisiṛia ini, kake nndefura imurwaya na karatasi na winu ndi, kake noore ba kundo mfikaa kwanu nshe irera neeni kana kwa kana, amu ifura lyeru lyawukie.

¹³ Vana va mfwamae wafo akee nsaue vakwisana.