Barua ya Vakorinto ya kavili 4 - MMA SHIYYA

¹ Kiimba kya iki ili tanningwa uṛundi ilu kwa ililia lya Iṛuva, taaraa ndi.

² Kake tallea findo fa usutu fa ifisafisa ana teendaa na mitambwe ndi ana isandasanda kirero kya Iṛuva na wongo ndi. Kake tireraa kilya kikee kya dede na baa, amu mirima ya vandu itirambue tikee kisanguń kya Iṛuva.

³ Kake kwakooya nrumi ilya yeru ya ifura ikufisie, ikufisie kwa valya vakee va ureti.

⁴ Amu kari kawo iṛuva lya isanga li lyanraya makusaṛo a valya vatakusurie, amu vatamulikio̱ llanga ya nrumi ya unini lwa Kristo, nae avakie Iṛuva.

⁵ Amu ise tikee ikukwanisia ti veni ndi, kake tikee ikwanisa sheeli Kristo Yesu ni Nndumi, neese tikee maketi anu kiimba kya Yesu.

⁶ Amu Iṛuva uu anderera: Ive langa imulike yuka llemiń, yye andemulika mirima yeru, yukie-wo langa ya imanyisa unini lwa Iṛuva lukee kisanguń kya Kristo.

⁷ Kake tirie masaa wo fiyeń fikee sha fa uteri, amu finya ii iṅini kuri imanyike sheeli yya Iṛuva, yyeru ndi.

⁸ Taari toose tikee ituṛulwa, kake tikee ilemwa ndi, tikee iliswa ukiva, kake titaṛaakaa ndi, tikee yumbutwa, kake titio̱o̱ ti veni ndi.

⁹ Tikee ikumbwa si, kake tirekaa ndi.

¹⁰ Taari toose tikee iira tirie ufu lwa Yesu miviliń yeru, naamu muu wa Yesu nato ulolikie miviliń yeru.

¹¹ Amu ise tikee va Yesu tikee iniingio̱ nkonu woose tifwe kiimba kya Yesu, amu na muu wa Yesu ulolikie miviliń yeru ya ufu.

¹² Kyasia kilya kikuworie neese kya iṛunda ni ufu, kake kilya kikuworie neeni kya iṛunda mmuu.

¹³ Kake ili toore mumuyo ulya wa ikusura Iṛuva, kikee ifika kirekio kilya kyatisiṛwa sheeli: ”Nakusura, na kiimba kya ikyo narera“, na akwaa ni ise tikusurie na kiimba kya ikyo tikee irera.

¹⁴ Amu tiishi sheeli ulya andeṛuta Nndumi Yesu atiṛutaa neese andu emwi na Yesu na itikaarisa andu emwi neeni.

¹⁵ Amu ifi foose nkwa kiimba kyanu, amu ililio̱ lyo likameengeṛio̱ nnu kwa iwo vakee veengi liingifise yaana na Iṛuva eetikiswa.

¹⁶ Kiimba kya iki tilemwaa ndi, amu kwakooya mivili yeru ikashaa, mirima yeru yo yaṛulwaa miiya nkonu woose.

¹⁷ Amu mavaviso akee neese alli wo asiaa ree, nawo eengeṛiaa itiniinga unini lwa miṛeṛe lutawore mmando.

¹⁸ Manya titave vandu vallaa ifi filolio̱ na miso da, kake tille filya fitandelolio̱! Amu ifi filolio̱ fikaa mikonu myaangu da, kake filya fitandelolio̱ fikaa marika na marika.