Barua ya Vatesalonike ya mbele 1 - MMA SHIYYA

¹ Ise Paulo na Silwano na Timoteo teesana siṛi ya kwa Vatesalonike ilungani na Iṛuva Nde na Nndumi Yesu Kristo. Uwoo lukaa neeni na unambwe!

² Tikee yaana Iṛuva mikonu yoose kiimba kyanu mu woose tiimusendaa ifo fiterewoń feru.

³ Amu tilemwaa ikumbua mbele ya Iṛuva Nde yeru mashoṛa anu a ikusura ndi na ngatara tanu ta ikunda na isisiria lyanu lya iverea isha lya Nndumi weru Yesu Kristo.

⁴ Amu vanavama mukundio̱ ni Iṛuva, tiishi sheeli mukee vasaue.

⁵ Fulya nrumi ii yeru ya ifura nta yamufikia kwa firero fo feni da ndi, kake ikaira finya na yavio̱ Mumuyo Nsongori na irambuka iingi. Neeni mwishi sha lia tikee na mikae yeru kwanu kiimba kyanu.

⁶ Mukava vatilatia na va Nndumi ili mundemaa iwaria kirero kilya na ifura lyukie kwa Mumuyo Nsongori, lla kasa ngatara tanu tiikee shiingi.

⁷ Nakyo kikamwendie nsendo kwa vandu woose vakusurie ifo Makedonia na ifo Akaya.

⁸ Amu kuuka kwanu kirero kya Iṛuva kyamuuka kikaitiwa ifo Makedonia na Akaya da ndi, kake na akwaa nkundo koose mboni ya ikusura lyanu lya ikusura Iṛuva ikamanyika. Ana nta tiwore kiteveto kya irera kindo ndi.

⁹ Fulya vandu vakee irambua wo veni mboni teru kasa mundetiwaria ili tindesha kwanu, na sheeli mundeaṛukia Iṛuva mukatia-wo fifu, amu muṛundie Iṛuva muni muu akee wa udede

¹⁰ na iverea Mwana wamwi ashe auka iṛuvewu, nae yye andenduta kuuka kwa vafu, nae yye Yesu mutikiṛa uumisio lua lukaa lushe.