Zaburi 85 - Bibliya Yera 1951 1967 (Burundi)

Iyi Zaburi yahawe umukuru w’abaririmvyi. Ni Zaburi ya bene Kora.

¹ Uhoraho, wagiriye igihugu cawe imbabazi; Wagarukanye aba Yakobo bajanywe kw inyagano.

² Wahariye ukugabitanya kw’ abantu bawe, Watwikiriye icaha cabo cose. Sela.

³ Wakūyeh’ uburake bgawe bgose, Warigaruye, ureka ubukare bg’uburake bgawe.

⁴ Twigarurire, Mana y’agakiza kacu, Kand’ ushire umwikomo wawe utugirira.

⁵ Mbeg’ uzoturakira ibihe bidashira? Uzokomeza uburake bgawe ibihe vyose?

⁶ Mbega ntuzokwongera kuturabūra, Kugira ngw abantu bawe bakunezererwe?

⁷ Twereke imbabazi zawe, Uhoraho we, Uduhe agakiza kawe.

⁸ Hinge numve ivyo Imana, Uhoraho, igira ivuge: Kukw izobgira abantu bayo n’abakunzi bayo ivy’ amahoro; Ariko ntibaze basubire mu bupfu.

⁹ N’ukuri agakiza kayo kari hafi y’abayubaha, Kugira ng’ubgiza bgayo bube mu gihugu cacu.

¹⁰ Imbabazi n’ukuri birahūye, Ukugororoka n’amahoro biragumbiranye.

¹¹ Ukuri kubaye ikironge mw isi, Ukugororoka kwarungurutse kuri mw ijuru.

¹² Kand’ Uhoraho azogaba ivyiza: Igihugu cacu kizokwimbuka ivyimburo vyaco.

¹³ Ukugororoka kuzomwitangira imbere, Kandi kuzoca mu makanda y’ibirenge vyiwe.