Zaburi 82 - Bibliya Yera 1951 1967 (Burundi)

Zaburi ya Asafu.

¹ Imana ihagaze mw ikombe ryayo; Icira abacamanza urubanza,

² Iti Muzogeza hehe kugoreka imanza, No gutinya abanyakibi ku kigohe? Sela.

³ Mucire imanza umugoyigoyi n’impfuvyi; Mucire impahazwa n’umurushwa imanza zigororotse,

⁴ Mutabare umugoyigoyi n’ umukene, Mubakūre mu maboko y’abanyakibi.

⁵ Abo mbgiye nta co bazi, nta co batahura, Bagendagenda mu mwiza: Amatanguriro yose y’isi aranyiganyiga.

⁶ Ni jewe ubganje navuze, nti Mur’ imana, Mwese mur’ abana b’Īsumba vyose.

⁷ Ariko muzopfa nk’abantu, Muzotemba nk’umwe wo mu baganwa.

⁸ Haguruka Mana, ucire isi urubanza: Kuk’ uzogira amahanga yose ishamvu yawe.