Zaburi 5 - Bibliya Yera 1951 1967 (Burundi)

Iyi Zaburi yahawe umukuru w’abaririmvyi: baririmbishe Nehiloti. N’iya Dawidi.

¹ Uhoraho, tegera ugutwi amajambo yanje, Ushire umutima ku majojwa yanje.

² Bangira ugutwi ijwi ry’ugutakamba kwanje, Mwami wanje, Mana yanje: Kukw ari wewe nsenga.

³ Uhoraho, mu gitondo uzokwama wumva ijwi ryanje: Mu gitondo nzokwama nerekeza ugusenga kwanje kuri wewe, nderetse.

⁴ Kuk’ utar’ Imana y’intambirakibi; Umunyakibi ntazobana nawe.

⁵ Abībona ntibazohagarara mu nyonga zawe: Wanka inkozi z’ibibi zose.

⁶ Uzohonnya abanyabinyoma: Uhoraho yanka urunuka umwicanyi n’ingunge.

⁷ Ariko jeho, ubginshi bg’imbabazi zawe buzonyinjiza mu ngoro yawe, Nzokwikubita hasi nsenge nkwubashe, nerekeye urusengero rwawe rwera.

⁸ Uhoraho we, undōngōre mu kugororoka kwawe, kubg’ abandyamiye, Utumbereze inzira yawe imbere y’amaso yanje.

⁹ Kukw ata kuri kuri mu kanwa kabo; Imbere muri bo n’imanga, Imihogo yabo n’imva zirangaye, Bahemanisha indimi zabo.

¹⁰ Mana, batsindishe, Iyabo migabo n’ibatemvye, Ubahinde kubg’ ubginshi bg’ ibicumuro vyabo, Kuko bakugararije.

¹¹ Ni ho abakwishimiye bazonezerwa, Umunezero uzobatera guhora bashira amajwi hejuru, kuk’ ubakīngiye, Kandi n’abakunda izina ryawe bazonezererwa muri wewe.

¹² Kuk’ uzoha umugororotsi umugisha: Uhoraho uzomukikiza imbabazi nk’inkinzo.