Zaburi 4 - Bibliya Yera 1951 1967 (Burundi)

Iyi Zaburi yahawe umukuru w’abaririmvyi: bavugira inanga. Ni Zaburi ya Dawidi.

¹ Unyishure uko ngutakambiye, Mana ukugororoka kwanje gukomokako. Wanshize ahagutse, aho nari nshugerejwe: Ngirira imbabazi, wumve ugusenga kwanje.

² Mwa bana b’abantu, muzogeza hehe gutitura icubahiro canje? Muzogeza hehe gukunda ibitagira ikimazi no kwitwaririka ivy’ ibinyoma? Sela.

³ Ariko mumenye yuk’ Uhoraho yirobanuriye umukunzi wiwe, Uhoraho azonyumva uko ndamutakambiye.

⁴ Mwiyubare, ntimukore icaha: Mucuragize mu mitima yanyu muri ku mariri, mucereje. Sela.

⁵ Mutange ibimazi vy’ukugororoka, Muheze mwishimire Uhoraho.

⁶ Hariho benshi babaza, bati Ni nde azogira iciza atwereka? Uhoraho, utwakishirize umuco wo mu nyonga hawe.

⁷ Ushize akanyamuneza mu mutima wanje, Karuta ako bagira mu gahimbo k’amahonda na vino vyabo.

⁸ Nzokwama ndyama nsinzire ata co nicura, Kukw ari wewe wenyene, Uhoraho, umpa kuba amahoro.