Zaburi 149 - Bibliya Yera 1951 1967 (Burundi)

¹ Haleluya! Ni muririmbire Uhoraho indirimbo nsha, Muririmbire ishimwe ryiwe mw ikoraniro ry’abakunzi biwe.

² Abisirayeli banezererwe Iyabaremye; Abana b’i Siyoni bagirire akaneza Umwami wabo.

³ Bashimire izina ryiwe mu mvyino: Bamuririmbire ishimwe batamba agashako k’ingoma, bavugira inanga.

⁴ Kuk’ Uhoraho ahimbarwa n’ abantu biwe: Azoshariza abaciye bugufi abambike agakiza.

⁵ Abakunzi biwe bavugirize impundu mur’ ico cubahiro: Baririmbishwe n’akanyamuneza bari ku mariri yabo.

⁶ Ishimwe ryo gushira Imana hejuru ribe mu gahogo kabo, N’inkota ibe mu ntoke zabo,

⁷ Yo kwihōresha amahanga, No guhanisha amoko;

⁸ Bakabohesha abami bayo iminyororo, N’abaganwa bayo imirinda:

⁹ Kugira ngo babashitsekw iteka ryanditswe: Ivyo ni vyo bitera icubahiro abakunzi biwe bose. Haleluya!