Zaburi 146 - Bibliya Yera 1951 1967 (Burundi)

¹ Haleluya! Mutima wanje, n’ushime Uhoraho.

² Nzokwama nshima Uhoraho nkiriho, Nzokwama ndirimbira Imana yanje ishimwe ngihumeka.

³ Ntimukishimire abahambaye, Cank’ umwana w’umuntu n’ umwe, ata co yoshobora gukiza.

⁴ Impwemu ziwe zimuvamwo, akisubirira mw ivu ryiwe; Uwo musi nyene imigabo yiwe igashira.

⁵ Hahirwa ūfise Imana ya Yakobo k’umutabazi wiwe, Akizigira Uhoraho Imana yiwe:

⁶ Ni we yaremye ijuru n’isi, N’ikiyaga n’ibiri muri vyo vyose; Agumya ukuri gushitsa ibihe bidashira.

⁷ Acira imanza impahazwa; Agaburira abashonje ivyo kurya. Uhoraho ni we abohora imbohe;

⁸ Uhoraho ni we ahumūra impumyi; Uhoraho ni we yēmesha abahetamye; Uhoraho ni we akunda abagororotsi;

⁹ Uhoraho ni we azigama inyambukīra; Ashigikira impfuvyi n’umupfakazi; Arikw inzira y’abanyakibi arayigoreka.

¹⁰ Uhoraho azohora ahangamye uk’ urunganwe ruzogenda rukurikira urundi, Imana yawe, Siyoni, izohora ihangamye ibihe vyose. Haleluya!