Ola Saam 128 - Kriol Baibul

Blanga detlot pipul hu teiknodis langa YAWEI

¹ Ol detlot pipul hu teiknodis langa YAWEI en hu bulurrum im wei, olabat na garra jidan gudbinjiwei.

² Yu garra dum wek blanga gajim ola enijing blanga yu laif, en yu garra jidan gudbalawei.

³ Yu waif garra abum detmatj biginini jis laik greiptri weya abum detmatj daga, en olabat garra jidan raidaran langa yu faiya pleis.

⁴ Lagijat na YAWEI im gibit ola gudbala ting langa pipul hu teiknodis en duwit langa im.

⁵ Ai askim YAWEI blanga gibit yu ola gudbala ting brom im serramoni pleis langa Saiyan, en blanga larram yu luk Jerusalem abum ebrijing brom tudei raidap yu dai.

⁶ Ai prei yu garra jidan laibalawan raidap yu luk yu bigininimob biginini olabat. YAWEI, yu meigim ola Isreil pipul jidan gudbinjiwei!