Isajos 12 - Biblija - Pe Baltitko Romani čib (Romanes) 2019

Šaribén Devléske Pal Zrakhibén

¹ I phenésa dre dová dyvés: “Barjakirava me Tut, Rajo Dévla; Tu xoliasosa pe mánde, ne pirijaciá Tyrí xolý, Tu potangindian man.

² Ake, Devél isyn Miro zrakhibén; dopatiav Léske i na darav, pal-dová, so Raj Devél isyn zor mirí, bagaiben miro – Raj Devél; Jov sys Miro zrakhibén.”

³ Dre tumarí rádyma javéna te len paní, kaj ganyng déla zrakhibén.

⁴ I phenéna tumé dro dová dyvés: “Barjakirén Ras-Devlés, prikharen Léskiro lav, rosphenén dre narody pal Léskire réndy (diély); ripirén, so baró isyn Léskiro lav.

⁵ Bagán Ráske-Devléske, Jov kerdiá baró, te džinén davá pir sarí phuv.

⁶ Jav lošaly (viesjolo), rádynpe, manušny Sionóstyr, pal-dová so baró isyn maškír túte Svénto Izrailjoskiro.”