Гиленгири (Соломоно́скири) Гилы́ 5 - Библия - Пэ Балтитко Романи чиб (Романэс) 2019

Соломоно́скири Зан

¹ “Мэ явдём дрэ пэ́скири у́нта (садо), мири́ пхэн, мири́ тэрны́; мэ скэдыём миро мирро мирэ́ приправэнца; мэ хаём пэ́скиро авгинытко сото мирэ́ авгинэса; мэ пиём пэ́скири мол (вино) тхудэса.” “Хан, ми́рэ мало́рэ, пьен, и пьен чалэ́с, мирэ́ пирамнэ [дро́га ми́рэ мануша́лэ-ю.о.]!”

Шта́рто Гилы́ Ранякирэ-Джувлякири Зан

² “Мэ сом суты, нэ миро ило́ исын на суто́. Ѓа́да, исын зан, мирэ́ пирамнэ́скири! Ёв марэла дро вуда́р: “Отпхандэ ма́нгэ, мири́ пхэн, мири́ пирамнори́е, мири́ голумбица, мири́ най фэдэды́р. Пал-дова́ со миро шэро́ исын учхакирдо пахлыняса (росаса), мирэ́ крэнца бала́ исын ратитконэ́ сапаныпнаса.

³ Мэ злыём миро урибэ́н кустыкаса сыр мэ сашты́ тэ урьявав палэ лэс? Мэ мордём пэ́скирэ ґэра́, сыр мэ сашты́ тэ мэлякирав лэн?

⁴ Миро пирамно́ чхудя́ пэ́скиро васт дрэ вударэскири шчэль; и миро ило́ андра́л ма́ндэ потырдыяпэ кэ ёв.

⁵ Мэ уштыём тэ отпхандав мирэ́ пирамнэскэ, и мирэ́ васта́ сапанинэ́ мирро́са, и мирэ́ ангушта (пальцы) ячнэ́ киндлэ мирроса пэ клыдынэ́скиро васторо́.

⁶ Мэ отпхандём мирэ́ пирамнэскэ; нэ миро пирамно́ дыяпэ палэ, ёв гия́ криг: миро ди кошэласпэ яври́, ке́ли ёв ракирдя́, мэ родыём лэс, нэ мэ на латхём лэс; мэ кхардём лэс, нэ ёв на отпхэндя́ ма́нгэ.

⁷ Ракхибнаскирэ (стражы), савэ́ обджана фо́ро, латхнэ́ ман; ёнэ пэкадэ ман, ёнэ дукхадэ ман; ракхибнаскирэ пэ форитко ва́нта лынэ́ криг ма́ндыр мири́ длэнги цэ́рга [сави́ ракхэлас ва́нта-р.с.].

⁸ Мэ засовлахава тумэн, Ерусалимо́скирэ чхая́лэ! Ко́ли тумэ́ латхэ́на мирэ́ пирамнэс, со тумэ́ пхэнэ́на лэ́скэ? Со Мэ мэра́ва пирамнипна́стыр!”

Ерусалимо́скирэ Чхая́

⁹ Со́са фэды́р исын тыро́ пирамно́ (камло) явирэ пирамнэ манушэ́ндыр, Ту, кон сан най шукарэдыр машки́р джувлендэ? Со́са ж фэды́р исын тыро́ пирамно́ явирэ пирамнэ манушэ́ндыр, со ту адя́кэ засовлахаса амэн?

Ранякирэ-Джувлякири Зан

¹⁰ Миро пирамно́ исын парно́ и лолэ́-чхамэнгиро (шчокэнгиро), ёв исын рай ману́ш машки́р дэшэ́ тысёнцы манушэ́ндэ,

¹¹ лэ́скиро шэро́ исын сы́рбы выкэдыно сувнака́й, лэ́скирэ крэнца бала́ кунинэнапэ, ёнэ исын калэ́ сыр коракостэ (вороностэ).

¹² Лэ́скирэ якха́ исын сыр голумбицатэ, со исын пашы́л сыгна рэкицы, савэ́ исын сыр мордэ дро тхуд, савэ́ исын зор и зоралэ́с бэштэ́.

¹³ Лэ́скирэ чхама исын сыр бэ́тки (гряды), кай приправы барьёна, сыр вучэ́ бэтки гудлэ́-сунга́кирэ чарьенца, лэ́скирэ ушта́ исын сыр лилии, савэ́ндыр тхадэ́ла тхадуно мирро.

¹⁴ Лэ́скирэ васта́ исын сыр сувнакунэ́ дэстэ́, со исын почхудэ хризолитэнца; лэ́скиро пэр исын зяиндлонэ слоноскирэ кокалостыр, саво́ исын пиричхудо сапфирэнца.

¹⁵ Лэ́скирэ ґэра́ исын сыр сты́лбы мраморостыр, со чхудэ́ пэ фунда́менто выкэдынэ́ сувнака́стыр; лэ́скирэ-москири мина исын сы́рбы Ливаноскиро барипэ́н, най кучэдыр, сыр кедры.

¹⁶ Лэ́скиро муй исын най гудлэдыр; чачо́, ёв исын шука́р пир саро́. Акэ, саво́ исын миро пирамно́, ґа́да, исын миро мал, – тумэ́, Ерусалимо́скирэ чхая́лэ!