Гиленгири (Соломоно́скири) Гилы́ 1 - Библия - Пэ Балтитко Романи чиб (Романэс) 2019

¹ Гилы́ гилендыр, сави́ счхудя о Соломо́но.

Пэ́рво Гилы́ Ранякирэ-Джувлякири Зан (Глос)

² Мэк ёв тэ чамудэл ман пэ́скирэ уштэ́нца; пал-дова́ со лэ́скиро пирамнипэ́н (камибэн) исын фэды́р, сыр мол (вино).

³ Пал-дова́ со, сыр куч драб тэ кхосэн дэ́ла гудлы́ сунг(арома́то); тыро́ лав исын куч драб тэ кхосэн, со чхувэ́лапэ анги́л, палдава́ патывалэ́ тэрнэ́ джувля́ отдэна ило́ пал ту́тэ.

⁴ Приты́рдэ ман кэ пэ, и амэ нашаса ту́са. Кра́ли яндя́ ман дрэ пэ́скирэ-кралитка коморы (харомы), соб (кай) амэ тэ явас ра́да и зоралэ́с тэ радынаспэ; амэ ява́са тэ рипирас тыро́ пирамнипэ́н (камибэн) буты́р, сыр мол. Нанэ ди́во, со патывалэ́ чхая́ отдэна ило́ пал ту́тэ.

⁵ Ерусалимо́скирэ чхая́лэ! Мэ сом цьмяно, нэ мэ сом шукарни джувлы́, мэ сом сыр Кидароскирэ ша́тры, мэ сом сыр зачхудэ (завесы) Соломоно́скирэ.

⁶ На дыкхэ́н адя́кэ пэ ма́ндэ, со мэ сом калёри, пал-дова́ со кхаморо пэкця ман. Мирэ́-да́кирэ чхавэ́ холясынэ пэ ма́ндэ; ёнэ чхудэ́ ман тэ ракхав винаграды́тко у́нта [(дракхин)] (садо), нэ мэ на ракхцём мири́ винаграды́тко у́нта.

⁷ Пхэн ту ма́нгэ, конэ́с мэ кама́м, кай ту чаравэса пэ́скирэ бакрэнгири ста́ды, кай ёнэ явэ́на тэ откхинён дро паш дывэ́с? Со́скэ ма́нгэ трэй тэ чаравав палэ тырэ́ дрогонэ́-малэнгирэ (другэнгирэ) ста́ды.

⁸ Ко́ли ту на джинэсас, най гожэдыр машки́р джувлендэ, джа́ пир бакрэ́нгирэ шпэры (сляды), и чарав пэ́скирэ бузнорэн (козлорэн) пашы́л чхупнарьенгирэ ша́тры,

⁹ Мэ приравниндём (припарудём) тут, мири́ пирамни́е (камлы), мирэ́ най дрогэдыр грасняса дро Фараоно́скиро марибны́тко вурдэ́н.

¹⁰ Тырэ́ чхама (шчоки) исын гожэдыр мириклендыр, Тыри́ мэн исын ґожакирды сувнакунэ́ зандирорьенца.

¹¹ Амэ кэра́са ту́кэ шука́р сувнакуны́ веригори (подвязка) рупувэ́ якхорьенца.”

Ранякирэ-Джувлякири Зан

¹² Ке́ли кра́ли исын бэшто́ пал лэ́скиро сками́нд, миро нардо дэ́ла лачхэ́-сунгакиро кхандыпэн.

¹³ Сы́рбы дро́го бужоро миростыр ваш ма́нгэ, миро пирамно́ (камло), ке́ли ёв исын пашто́ раты́ пашы́л мирэ́ колына.

¹⁴ Миро пирамно́ ваш ма́нгэ исын сы́рбы рандёри хнатыр (киперостыр), сави́ лулудёла (цвэцинэла), дрэ винаграды́тко у́нта [(дракхин)] Енгеда (Эн-Геда).

Соломоно́скири Зан

¹⁵ О, сави́ гожо-шука́р ту сан, мири́ пирамни́е, – тырэ́ якхорья исын сыр голумбицатэ.

Ранякирэ-Джувлякири Зан

¹⁶ О, саво́ гожо-шука́р ту сан, миро пира́но, саво́ гудло́ и амаро́ чхуибэ́н исын адя́кэ-паць сыр вычхудо зэлэныбэн.

¹⁷ Амарэ́ кхэрэ́скирэ стрэхи исын сыр кедрытко вэш, и амарэ́-бэргакирэ бэльки (стропилы) исын сыр кипарисоскирэ кашта́!