Psalmy 98 - Библия - Пэ Балтитко Романи чиб (Романэс) 2019

¹ Пса́лмо. О, бага́н Ра́скэ-Дэвлэ́скэ нэви́ гилы́! Пал-дова́ со Ёв кэрдя́ ди́вна рэ́нды (де́лы). Лэ́скиро чачо́ (право) васт и лэ́скиро чачо́ псико́ помогиндлэ Лэ́скэ тэ пиризорьякирэл.

² Рай Дэвэ́л сыкадя́, со Ёв зракхэ́ла. Ёв отчхакирдя́ Пэ́скиро чачипэ́н анги́л сарэ́ манушэ́нгирэ якха́.

³ Ёв дыя́ тэ рипирэл пал Пэ́скири лачхэ́-илы́ткима и лэ́скиро чачипэ́н Израилёскирэ кхэрэ́скэ: сарэ́ пхувья́кирэ яго́ры (краи́) дыкхнэ́, сыр амаро́ Дэвэ́л зракхэ́ла Пэ́скиро манушэ́н.

⁴ Бага́н и радынэ́нпэ зоралэ́с анги́л Растэ-Дэвлэ́стэ, сарэ́ мануша́ пхувья́тыр, лошалён (веселинэнпэ) и радынэ́нпэ, шарэ́н псалмэнца Лэс.

⁵ Бага́н псалмы Ра́скэ-Дэвлэ́скэ пэ гусли; пэ гусли и заненгирэ (глосенгирэ) багаибнаса.

⁶ Башавэн пэ ро́го (труба) и горно, радынэ́нпэ анги́л Кхенинго́стэ, Растэ-Дэвлэ́стэ.

⁷ Мэк тэ брилинэн (тэ ривинэн) мо́ри (дэрьява́) и саро́, со дживэ́ла дрэ лэ́стэ.

⁸ Мэк тэ пэкавэн дрэ васта́ рэ́ки (лэня́), мэк тэ ґаздэ́нпэ радыма́тыр бэ́ргицы.

⁹ Анги́л Растэ-Дэвлэ́стэ, пал-дова́ со Ёв джа́ла тэ сэндякирэ́л пхув: Ёв явэ́ла тэ сэндякирэ́л свэ́то пир чачипэ́н и Ёв чачунэ́с явэ́ла тэ сэндякирэ́л манушыпнаскирэ на́цыи.