Psalmy 87 - Библия - Пэ Балтитко Романи чиб (Романэс) 2019

¹ Кареёскиро Чхавэ́нгиро. Пса́лмо. Гилы́. Рай Дэвэ́л зачхудя Пэ́скиро фо́ро пэ свэ́нта бэ́рги.

² Ра́скэ-Дэвлэ́скэ исын дро́го Ерусалимо́скири по́рта (врата) буты́р сарэ́ Яково́скирэ шатрэндыр.

³ Славутка лава́ кэ баро́ шарибэ́н пхэнэ́на пал ту́тэ, Дэвлэ́скиро фо́ро. Сэ́ла.

⁴ Мэ ява́ва тэ рипирав Еги́пто и Вавило́но одолэ́нгэ, савэ́ джинэ́на Ман: Ѓа́да, Филистия и Ти́ро Ефиопияса пхэнэ́на-кадава́ ману́ш бия́ндыя одо́й.

⁵ И ёнэ явэ́на тэ ракирэ́н пал Сио́но: “Кадава́ ману́ш бия́ндыя одо́й и Най Вучэдырэскиро зачхудя дава́ фо́ро.”

⁶ Рай Дэвэ́л чхувэ́ла нанглоро́ (заковычка) маму́й лава́ далэ́ манушэ́нгирэ, ке́ли Ёв явэ́ла тэ пиригинэл далэ́ манушэ́н: “Кадава́ ману́ш бия́ндыя ада́й.” Сэ́ла.

⁷ И башаибнаскирэ и багаибнаскирэ пхэнэ́на: “Саро́ лачхипэ́н джа́ла ту́тыр, Сио́но.”