Psalmy 82 - Библия - Пэ Балтитко Романи чиб (Романэс) 2019

¹ Асафоскиро Пса́лмо. Дэвэ́л исын тэрдо́ пэ Дэвлэ́скиро скэдыибэ́н, Ёв сэндякирэ́ла машки́р дэвлэндэ.

² Ци бут явэ́са Ту тэ сэндякирэс начачунэс и тэ прилэс фуе́ манушэ́н?

³ Сэндя́кир чачунэ́с чорорэн и бидадэскирэн, кэр чачипэ́н одолэ́нгэ, савэ́н тасавэна и кодолэ́нгэ, савэ́ндэ исын трэ́бима.

⁴ Подэ васт чорорэнгэ и одолэ́нгэ, савэ́ исын дрэ трэ́бима, зра́кх лэн фуе́-манушэ́нгирэ вастэ́стыр.

⁵ Ёнэ на джинэ́на, на ґалёна, ёнэ дживэ́на дро калыпэ́н (цямлыпэ́н): сарэ́ свэнтоскирэ-фундаменты затринскирдэпэ.

⁶ Мэ пхэндём: “Тумэ́ сан Дэвэла́ и сан чхавэ́ Най Барэдырэскирэ.

⁷ Нэ тумэ́ мэрэ́на сыр сарэ́ мануша́, и пэрэ́на сыр и тхага́рья (кня́зи).”

⁸ Тэрдёв анги́л, о Дэ́вла, сэндякир пхув, пал-дова́ со сарэ́ манушы́тка на́цыи явэ́на Тырэ́, сыр Тыро́ мэкно́ миштыпэ́н.