Psalmy 54 - Библия - Пэ Балтитко Романи чиб (Романэс) 2019

¹ Хоро́скирэ Дирижоро́скэ пэ Балытка Струме́нты. Сыклякирибэ́н. Давидо́скиро Пса́лмо,

² ке́ли Зифеи явнэ́ и пхэндлэ́ Сауло́скэ: “Ци на гарадёла Дави́до машки́р амэ́ндэ?”

³ Дэ́вла, зра́кх ман Тырэ́ лавэ́са и сэндякир ман Тырэ́ зоралыпнаса.

⁴ Дэ́вла! Вышу́н мири́ па́тери (модла), причху́в кан кэ лава́ мирэ́ москирэ.

⁵ Чужа мануша́ ґаздынэ́пэ пэ ма́ндэ и биилэскирэ мануша́ родэ́на миро ди. Нанэ Дэвлэ́с анги́л лэ́нгирэ якха́. Сэ́ла.

⁶ Акэ, Дэвэ́л дэ́ла васт ма́нгэ. Рай Дэвэ́л исын одолэнца, кон подрикирэ́ла миро ди.

⁷ Ёв отдэ́ла палэ чорипнаса мирэ́ вэргэ́нгэ, Ёв чхурдэ́ла лэн дрэ риг Пэ́скирэ патяибна́са.

⁸ [р.с.] Мэ локхэс яна́ва свэ́нто дыибэ́н, Ту́кэ мэ ява́ва тэ шара́в Тыро́ лачхо́ лав, о Раё Дэ́вла!

⁹ [р.с.] Пал-дова́ со Ту зракхця́н ман сарэ́ пхарипнэндыр и мэ дыкхцём, сыр мирэ́ вэ́рги пынэ́.