Psalmy 3 - Библия - Пэ Балтитко Романи чиб (Романэс) 2019

¹ Давидо́скиро Пса́лмо, сыр Ёв насця пэ́скирэ Чхавэстыр Авесаломостыр.

² Раё Дэ́вла! Сыр буты́р мирэ́ вэ́рги ячнэ́, сыр буты́р лэ́ндыр ґаздэ́напэ проти миро джиибэ́н!

³ Бут пхэнэ́на мирэ́ илэскэ: “Нанэ зракхибэ́н лэ́скэ Дэвлэ́стыр!” Сэ́ла.

⁴ Нэ Ту, Раё Дэ́вла, сан шчы́то пашы́л ма́ндэ; мири́ сла́ва и Ту ґаздэса миро шэро́.

⁵ Мэ кхара́ва зоралэ́с Дэвлэ́с мирэ́ заня́са, и Ёв шунэ́ла ман Пэ́скирэ свэнтонэ́ бэрга́тыр. Сэ́ла.

⁶ Мэ пасиём и со́мас суто́: мэ уштыём, пал-дова́ со Рай Дэвэ́л подрикирэ́ла ман.

⁷ Мэ на ява́ва тэ дарав тысёнцонэ манушэ́ндыр, савэ́ облынэ ман трусця́л.

⁸ Тэрдёв анги́л, Раё Дэ́вла, зра́кх ман; миро Дэ́вла! Пал-дова́ со Ту пэкадян сарэ́н мирэ́ вэргэ́н дрэ жанда, Ту вымардян данда́ бэдэ манушэнгирэндэ.

⁹ Зракхибэ́н Ту́тыр, Раё Дэ́вла! Тэ явэ́л Тыро́, бахтякирибэ́н пэ Тырэ́ манушэ́ндэ. Сэ́ла.