Psalmy 2 - Библия - Пэ Балтитко Романи чиб (Романэс) 2019

¹ Со́скэ Наюды́тка на́цыи бунтуинэна, и розлэна чхучэ́ (пуста) рэ́нды?

² Лэ́нгирэ кра́лья газдэнапэ проти и лэ́нгирэ тхэмэ́скирэ барыдыра́ зракирэнапэ проти Растэ-Дэвлэ́стэ и Одолэ́стэ, Конэ́с Ёв помакхця, ракири́:

³ “Явэ́н, розрискираса пэ паша́ лэ́нгирэ састыра́ и чхурдаса пэ́стыр лэ́нгирэ зандирья́ (цэ́пи/ковы).”

⁴ Одова́, Кон дживэ́ла дро Болыбна́скиро Рай, явэ́ла тэ салпэ и Рай Дэвэ́л явэ́ла тэ просал лэн.

⁵ Тэ́ньци Ёв пхэнэ́ла лэ́нгэ дрэ Пэ́скири холы́ и Ёв страхакирэла лэн Пэ́скирэ барэ́ холынаса:

⁶ “Чачо́, мэ чхудём Пэ́скирэ крали́с пэ мири́ Свэ́нто бэ́рга Сио́но.”

⁷ “Мэ пхэна́ва Зако́но манушэ́нгэ тэ джинэ́н: Рай Дэвэ́л пхэндя́ ма́нгэ: ‘Ту сан Миро Чхаво́. Мэ ададывэ́с яцём Дадэ́са Ту́кэ.

⁸ Манг Ма́ндыр, и Мэ да́ва ту́кэ манушыпнаскирэ расы сыр мэкно́ миштыпэ́н и сари́ пхув явэ́ла тыри́:

⁹ Ту розмарэса лэн саструнэ́ дэстэса (жэзлоса) и ту розмарэса лэн пэ котэра́ (куски) сыр пиритконэскиро кхоро́ (сасудо).’”

¹⁰ И какана́, кралья́лэ, явэ́н годьварэ́, сыклён, тумэ́ сан сэнда́рья пэ пхув.

¹¹ Дынаринэ́н Ра́скэ-Дэвлэ́скэ дара́са и радынэ́нпэ издраняса.

¹² Кутякирэн Чхавэ́с, соб (кай) тумэ́ тэ на хасён дромэ́са, а Лэ́скири холы́ сашты́ тэ росхачол сы́гэс. Бахталэ́ исын одолэ́, савэ́ патя́на дрэ Лэ́стэ.