Psalmy 19 - Библия - Пэ Балтитко Романи чиб (Романэс) 2019

¹ Хоро́скирэ Дирижироскэ. Давидо́скиро Пса́лмо.

² Болыбэ́н дудвалякирэла (роспхэнэ́ла) пал Дэвлэ́скири бари сла́ва и свэтоскиро буґлыпэ́н (сво́до) сыкавэ́ла, со Дэвэ́л создыя́.

³ Кажно дывэ́с пирипхэнэла лава́ явирэ дывэсэскэ, и рат пиридэла лава́ тэ джинэ́л явирэ ратякэ.

⁴ Нанэ чиб, нанэ лава́, соб (кай) тэ на явэ́л екхори зан шундлы,

⁵ Лэ́нгирэ-глосакири ме́ра розджалапэ пир сари́ пхув и лэ́нгирэ лава́ аж кэ яго́ры (кэ пределы) пхувья́кирэ.

⁶ Дэвэ́л чхудя́ штэ́то тэ дживэ́л кхамэскэ дрэ лэ́ндэ, саво́ выджа́ла сыр тэрно́ бьявитконэ штубатыр. Ёв радынэ́лапэ сыр прастаибнаскиро ману́ш анги́л дова́, сыр тэ прастал пэ призо.

⁷ Ёв (кхам) лэ́ла тэ джал болыбна́скирэ ягоро́стыр и лэ́скиро круго доджа́ла кэ яви́р Болыбна́скиро яго́ро (краё) и нисо́ нашты́ тэ гарадёл Лэ́скирэ хачкирибнастыр.

⁸ Ра́скирэ-Дэвлэ́скиро Зако́но исын бидошэ́нгиро, со дэ́ла зор дескэ. Ра́скирэ-Дэвлэ́скиро допхэныбэ́н исын чачуно́, со дэ́ла годы́ одолэ́скэ, конэ́скэ дава́ трэй.

⁹ Ра́скирэ-Дэвлэ́скирэ упхэныбэна́ исын чачунэ́, ёнэ лошакирэна (веселинэна) ило́; Ра́скирэ-Дэвлэ́скирэ допхэныбэна исын чыстонэ-илэ́скирэ, ёнэ дэ́на ясныма якхэнгэ.

¹⁰ Дар анги́л Растэ-Дэвлэ́стэ исын чачуны́ сарэ́са, ёй ячэ́лапэ пэ сарэ́ ве́ки. Ра́скирэ-Дэвлэ́скиро сэ́ндо исын чачуно́, ёнэ исын сарэ́ чачипнастыр.

¹¹ Ёнэ исын мол буты́р сувнака́стыр, аж буты́р чачунэ́ сувнака́стыр и гудлэдыр авгинэстыр и сотэнгирэ кроплендыр авгинэстыр.

¹² Упхэныбэна́ адя́кэ-паць подсыклякирдэ ман, Тырэ́ дынари́с, мэ дорэсцём бут лачхипэ́н, ке́ли мэ приракхцём лэн.

¹³ Конэ́скэ сашты́ тэ ґалёл пэ́скирэ доша́? Отмэк ма́нгэ мирэ́ грэ́хи, савэ́ мэ на ґалёвава,

¹⁴ Рикир дрэ риг, Тырэ́ писхари́с, нартонэ грэхэ́ндыр; мэк ёнэ тэ на лэн лофо́ (верхо) пэ ма́ндэ: тэ́ньчи мэ ява́ва бидошэ́нгиро, и мэ ява́ва бибангипнаскиро анги́л Зако́но.

¹⁵ [р.с.] Мэк мирэ́ москирэ лава́ и лэ́скиро розлыибэн тэ явэ́н лачхэ́ Ту́кэ, Миро Раё Дэ́вла. Ту сан мири́ Бэ́рга тэ ґарадёвав и Миро зракхибнаскиро.