Psalmy 15 - Библия - Пэ Балтитко Романи чиб (Романэс) 2019

¹ Раё Дэ́вла! Конэ́скэ сашты́ тэ явэ́л дрэ Тыри́ Свэ́нто Ша́тра? Кон явэ́ла тэ дживэ́л пэ Тыри́ Свэ́нто Бэ́рга?

² Одова́, кон дживэ́ла би дошэнгиро, и саво́ исын чачипна́скиро илэ́стыр пир саро́, и ракирэ́ла чачипэ́н сарэ́нгэ.

³ Кон на ракирэ́ла чорэ́ лава́ пэ явирэндэ, и на кэрэ́ла фуипэ́н пэ́скирэ малэ́скэ (другоскэ), и на обракирэла пэ́скирэ пашатунэ́ манушэ́с.

⁴ Кон дыкхэ́ла вучипна́стыр пэ одолэ́стэ, конэ́с Дэвэ́л на прилэ́ла, и кон дэ́ла паты́в одолэ́скэ, кон дарэ́ла Ра́стыр-Дэвлэ́стыр.

⁵ Кон дэ́ла ловэ́ дро вужлыпэ́н би кофоскиро, кон на лэ́ла мыто (взятка) тэ ракирэ́л проти кодолэстэ, кон исын набанго. Кон кэрэ́ла адя́кэ, одова́ ману́ш ние́кхвар на змарэлапэ пэ́скирэ дромэ́стыр.