Psalmy 149 - Библия - Пэ Балтитко Романи чиб (Романэс) 2019

¹ Аллилуя! Бага́н Ра́скэ-Дэвлэ́скэ нэви́ гилы́; бага́н псалмы Лэ́скэ пэ скэдыибэ́н, кай дэвлы́тка мануша́ исын.

² Мэк Израилё тэ радынэ́лпэ Кадалэстыр, Кон создыя́ лэс, мэк чхавэ́ Сионо́стыр тэ веселинэнпэ (тэ лошалён) лэ́нгирэ Крали́стыр.

³ Мэк ёнэ тэ шарэ́н Лэ́скиро лав кхэлыбнаса, мэк ёнэ тэ бага́н псалмы Лэ́скэ бубноса и пэ лута (тыкнэ́ гусли).

⁴ Пал-дова́ со Рай Дэвэ́л зоралэ́с радынэ́лапэ Лэ́скирэ манушэ́ндыр, Ёв шукарьякирэла ковлэ́-илэ́скирэ манушэ́н зракхибнаса.

⁵ Мэк свэ́нта тэ явэ́н ра́да славатыр, мэк ёнэ тэ бага́н зоралэ́с пэ лэ́нгирэ чхуибэна.

⁶ Мэк лэ́нгирэ муя́ тэ шарэ́н зоралэ́с кэ вучипэ́н Дэвлэ́с, мэк дуе́-риги́тко курта́ла тэ явэ́л дрэ лэ́нгирэ васта́:

⁷ соб (кай) тэ отдэ́н фуипнаса палэ Наюдэнгирэ́ нацые́нгэ, тэ кэрэ́н ка́ра манушыпнаскирэ нацыенгэ,

⁸ тэ пхандэн кхэтанэ́ лэ́нгирэ кралье́н зандирьенца (узэнца) и лэ́нгирэ барэ́ ран саструнэ́ пентэнца;

⁹ тэ кэрэ́н ка́ра пэ лэ́ндэ, со исын зачхиндлы. Дава́ исын паты́в сарэ́ свэнтонэнгэ. Аллилуя.