Psalmy 130 - Библия - Пэ Балтитко Романи чиб (Романэс) 2019

¹ Гилы́ анги́л Кхангири́. Сирэ́ хор бида́тыр мэ кхара́ва Тут, Раё Дэ́вла.

² Раё Дэ́вла! Шун мири́ зан, и причху́в кан кэ мири́ зан, сыр мэ манга́ва Тут тэ подэл васт ма́нгэ.

³ Ко́ли Ту, о Раё Дэ́вла, явэ́са тэ рипирэс саро́ чорипэ́н, тэды кон, Раё Дэ́вла, могинэ́ла тэ тэрдёл пэ чачипэ́н.

⁴ Нэ Ту отмэкэса грэ́хи амэ́нгэ, соб (кай) амэ тэ дарас Ту́тыр.

⁵ Мэ ужакирава лачхипэ́н Ра́стыр-Дэвлэ́стыр, миро ди ужакирэ́ла и рикирэ́ла наде́я пэ Лэ́скиро лав.

⁶ Миро ди ужакирэ́ла Рас-Дэвлэ́с буты́р, сыр стрэгари ужакирэ́ла тасярла, буты́р сыр стрэгари ужакирэ́ла тасярла.

⁷ Мэк тэ ужакирэл лачхипэ́н Израилё Ра́стыр-Дэвлэ́стыр, пал-дова́ со Растэ-Дэвлэ́стэ исын лачхэ́-илы́ткима, и Ёв выракхэла бутэн,

⁸ и Ёв выракхэла Израилё сарэ́ лэ́скирэ чорипна́стыр.