Psalmy 128 - Библия - Пэ Балтитко Романи чиб (Романэс) 2019

¹ Гилы́ анги́л Кхангири́. Бахтало́ исын кажно ману́ш, Саво́ дарэ́ла Ра́стыр-Дэвлэ́стыр, Саво́ псирэ́ла пир Лэ́скирэ дрома́.

² Ту явэ́са тэ хас маро́ бутя́тыр пэ́скирэ вастэ́ндыр, ту явэ́са бахтало́ и саро́ миштыпэ́н явэ́ла ту́са.

³ Тыри́ ромны́ явэ́ла сы́рбы умалотно винаграды́тко кашт дро кхэр и пашы́л кхэр, тырэ́ чхавэ́ явэ́на сы́рбы оливитка рандя́ (ветки), со явэ́на трусця́л Тыро́ сками́нд.

⁴ Ѓа́да! Тэ явэ́л адя́кэ-паць бахтало́ ману́ш, Саво́ дарэ́ла Ра́стыр-Дэвлэ́стыр.

⁵ Рай Дэвэ́л бахтякирэ́ла Тут Сионо́стыр, и ту сашты́ тэ дыкхэ́с лачхипэ́н дро Ерусалимо пир сарэ́ дывэса́ дро Тыро́ джиибэ́н,

⁶ и соб (кай) ту тэ дыкхэ́с чхавэ́н пэ́скирэ чхавэнгирэн. Тэ явэ́л рама́нё (миро) пэ Израилё!