Psalmy 125 - Библия - Пэ Балтитко Романи чиб (Романэс) 2019

¹ Гилы́ анги́л Кхангири́. Кодолэ́, савэ́ патя́на зоралэ́с дрэ Растэ-Дэвлэ́стэ, исын сы́рбы бэ́рга Сио́но, Саво́ на джа́ла криг штэто́стыр, а ячэ́лапэ пэ сарэ́ ве́ки.

² Бэ́рги исын трусця́л Ерусалимо, и Рай Дэвэ́л исын адя́кэ-паць трусця́л Лэ́скирэ манушэ́ндэ, какана́ и пэ сарэ́ ве́ки.

³ Чорэ́-манушэ́нгиро дэсто́ на явэ́ла тэ рикирэ́л зор пэ пхув, кай исын чачипнаскирэ мануша́, соб (кай) чачипнаскирэ мануша́ тэ на рискирэ́н пэ́скирэ васта́ кэ чорипэ́н.

⁴ Кэр лачхипэ́н, Раё Дэ́вла, лачхэ́ манушэ́нгэ, и одолэ́нгэ, савэ́ндэ исын чачуно́ ило́.

⁵ И кодолэ́, савэ́ рисёна дрэ риг пэ бангэ́ дрома́, лэн Рай Дэвэ́л лыджа́ла криг кхэтанэ́ одолэнца, савэ́ кэрэ́на чорипэ́н. Тэ явэ́л рама́нё пэ Израилё!