Psalmy 122 - Библия - Пэ Балтитко Романи чиб (Романэс) 2019

¹ Гилы́ анги́л Кхангири́ Давидоскири. Мэ со́мас радо, ке́ли ёнэ пхэндлэ́ ма́нгэ. Явэ́н дрэ Ра́скирэ-Дэвлэ́скири Кхангири́.

² Амарэ́ ґэра́ явэ́на тэ тэрдён дрэ Тыри́ по́рта, о Ерусалимо!

³ Ерусалиме, со исын ґаздыно́ сыр фо́ро, саво́ исын чхудо кхэтанэ́,

⁴ кай явэ́на Израилёскирэ ро́ды пир Израилёскиро ладо/рэ́ндо (порядко), соб (кай) тэ парикирэ́н Ра́скирэ-Дэвлэ́скирэ лавэ́скэ.

⁵ Пал-дова́ со зачхудэ троны ваш сэ́ндо одо́й, троны Давидо́скирэ кхэрэ́стыр.

⁶ Мангэ́н Дэвлэ́с пал рама́нё дро Ерусалимо: “Мэк тэ дживэ́н миштэ́с одолэ́, савэ́нгэ дро́го исын ту,

⁷ тэ явэ́л рама́нё машки́р тырэ́ ва́нты (сцяны), и миштыпэ́н дрэ Тырэ́ барэ́ фэлатиня́ (колова́)”

⁸ Ваш мирэ́ пшалэ́нгэ и малэнгэ мэ пхэна́ва какана́: “Тэ явэ́л рама́нё (миро) тумэ́нгэ.”

⁹ Ваш Ра́скирэ-Дэвлэ́скиро Кхэр (Кхангири́), амарэ́ Дэвлэ́скири, мэ кама́м миштыпэ́н тумэ́нгэ.